سەركەوت ڕەسوڵ بەم شێوەیە باسی فەرهاد زیرەك دەكات

435 جار خوێندراوەتەوە کات07:55 بەروار15-03-2019
سەركەوت ڕەسوڵ بەم شێوەیە باسی فەرهاد زیرەك دەكات

ڕاچڵەكین-

پێرێ شەوێ بۆ ماوەی هەشت سەعات دانیشتن و قسە کردن وشیعر خوێندنەوەوگۆرانی گۆتن لەگەل هونەرمەندی ئازیزی شار(فەرهاد زیرەک) بە هاورێیەتی هونەرمەندی ئازیز(ئاری مەحەمەد)،  گەێشتمە ئەو قەناعەتانە و هەر وشەیەک وەکو رای خۆم دەری ببرم لیی بەرپرسیارم !

(فەرهادزیرەک )ئەو هونەرمەندەی بۆ ماوەی ٤٥ سالە بەردەوام لە پێشکەش کردنی هونەرەکەی  بۆ چینی هەرە بنەوەی خەلک و گەنجانی عاشق و خەلکی ئازیزی رەشۆک ونەدار وبێ پەناگە ،سادە ساکار لەناویان دێت دەچیت .لەگەل ئەوان دەژی و دەمرێت..!

فەرهاد ،خاوەنی بیرکردنەوەیەکی کوردانە و هەولێریانەی رەسەنە ،سەلیقەی هەلبژاردنی ئاواز و ئەدا کردنی مۆرکی تایبەتی خۆی هەیە و(فەرهادانە)دەناسرێتەوە . نەخوێندەوارە بەلام سەلیقەی جیاکردنەوەی شیعری جوان و باش لە خراپ و ناشیعری هەیە ...

فەرهاد کبریائێکی گەورەی هەیە وهونەرمەندانە دەژیت و تەنازولی لی ناکات، لەهەر جێیەک ریزلە هونەرەکەی نەگیرابێت یەک وشەی بەسەرزاردا نەهاتووە وپایدۆزی لی کردووە !
فەرهاد دەستی سەدان هونەرمەندی گۆرانی بێژی گرتووەو بەدەیەها ژەنیاری پێگەیاندووە و
 لەکاتی پیویست لەسەریان بە جواب هاتووە  قەت نەیویستووە بیانشکێنێتەوە هەرچەندە  ئەو هونەرەمەندە کەم و کورتیشی هەبووبێت !

لە هەمووی سەرنجراکێشتر ئەو (ویقارە) هونەریەیە کە هەیتی و تایبەت بە خۆیتی ، بە بروای من دونیاییکی سەربەخۆیەو کەس لەو ناچێت و نایەوێت لە کەس بچێت !

سەرکەوت رەسول