نوێترین زانیاری لەبارەی شەڕەكەی شەنگال

109 جار خوێندراوەتەوە کات03:40 بەروار19-03-2019
نوێترین زانیاری لەبارەی شەڕەكەی شەنگال
 
 
راچڵەكین 
 
 
جارێکی دیکە ئەمڕۆ شەڕ لەنێوان هێزەکانی بەرخودانی شنگال یەبەشە و سوپای عێراق لە سنووری شنگال دروست بووەوە، لە ئەنجامدا ئۆمبێلێکی یەبەشە و دوو هەمەری سوپای عێراق بەتەواوەتی سووتان.
 
بەپێی هەواڵی میدیا عێراقیەكان دوای نیوەڕۆی ئەمڕۆ سێشەممە، 19 ئاداری 2019 جارێکی دیکە شەڕ و پێکدادان لەنێوان یەبەشە و سوپای عێراق لە دەڤەری حەساویک دروستبووەوە.
 
 
ئاماژەیان بەوەشداوە، لە ئەنجامدا ئۆتۆمبێلێکی یەبەشە و دوو هەمەری سوپای عێراق بە تەواوەتی سووتان
 
ئەوەشخراوەتەڕوو، لەشەرەكەدا بریندار و كوژراو هەن ".
 
ئەوەش لەكاتێكدایە، لە چەند رۆژی رابردوودا شەڕ و پێکدادان لەنێوان یەبەشە و سوپای عێراق لە نزیک کۆمەڵگەی خانەسوور دروستبوو، تاوەکو نیوەڕۆی ئەمڕۆ هەردوولا لە کۆبوونەوەی بەردەوامدا بوون، بەڵام نەگەیشتنە هیچ رێککەوتنێک.
 
هاوكات میدیاعێراقییەكان باسیان لەوەكردووە سوپای عێراق سێ فیرقەی بەرەو شنگال جوڵاندووە، کە لە موسڵ و تەلعفەرەوە هاتوون.