شەپۆلێكی نوێی بارانبارین ڕوو لەهەرێمی كوردستان دەكات

843 جار خوێندراوەتەوە کات12:18 بەروار15-04-2019
شەپۆلێكی نوێی بارانبارین ڕوو لەهەرێمی كوردستان دەكات
راچڵەكین-

شەپۆلێكی نوێی بارانبارین ڕوولە ناوچەكانی هەرێمی كوردستان دەكات و تا رۆژی چوارشەممەی ئەم هەفتەیە بەردەوام دەبێت.

بەڕێوەبەرایەتی گشتی كەشناسی و بەمەلەرزەزانی هەرێمی كوردستان لەهۆشدارییەكی كەشناسیدا بڵاویكردووەتەوە:" سبەی سێشەممە 16ی نیسانی 2019 كاریگەری نزمە پاڵەپەستۆی دەریای ناوەڕاست كاردەكاتە سەر ناوچەكەمان، سەرەتا باران لە سنووری پارێزگای دهۆك دەبارێت، لەشەودا كاریگەری دەگاتە تەواوی ناوچەكەمان."

دەشڵێت:" لەكاتەكانی بەرەبەیانی رۆژی چوارشەممە، باران لەتەواوی ناوچەكەمان دەبارێت، لەگەڵ بوونی هەورە تریشقە و پلەكانی گەرما ڕوو لەنزم بوونەوە دەكات."

كەشناسی ئاماژەی بەوەشكردووە، كاریگەری ئەم شەپۆلە لەرۆژی چوارشەممەوە بەرەو لاوازی دەڕوات.