10 ڕێنمایی بۆ خوێندکارانی پۆلی دوانزه‌ بۆ به‌ده‌ست هێنانی به‌رزترین نمره‌

203 جار خوێندراوەتەوە کات01:51 بەروار23-05-2019
10 ڕێنمایی بۆ خوێندکارانی پۆلی دوانزه‌  بۆ به‌ده‌ست هێنانی به‌رزترین نمره‌
ڕاچڵه‌كین-

 چه‌ند ڕۆژێکی تر تاقیکرنه‌وه‌ی نیشتمانی ده‌ست پێ ده‌کات و به‌ ده‌ست هێنانی نمره‌ی باش خه‌ون و هیوای هه‌موو خوێندکارێک و که‌س و کاریانه‌، دکتۆر کامه‌ران رسوڵ ژاژڵه‌یی پسپۆڕی زانستی خۆراک و نه‌شته‌رگه‌ری گشتی له‌م بابه‌ته‌وه‌ كۆمه‌ڵێك ڕێنمای پێشكه‌ش به‌ خوێندكاران ده‌كات بۆ به‌ده‌ست هێنانی باشترین نمره‌.

ڕێنمایی گشتی خۆراک :

1- خواردنی ژه‌می به‌یانی له‌ کاتی خۆی دا : 
- پێویسته‌ پێش كاتژمێر حه‌وت و نیوی به‌یانی ( یان زووتر ) خورا بێت .
-  ڕۆژی تاقیکردنه‌وه‌کان خوێندکار بێ نان خواردن نه‌چێته‌ ده‌ره‌وه‌ تا ئاستی شه‌کره‌ی خوێن دانه‌به‌زێت و زانیاری بیر نه‌چێته‌وه‌.
-  گرنگترین ژه‌می ڕۆژه‌ : باشترین هه‌ڵبژارده‌کان بریتین له‌ هێلکه‌ یان ماست یان په‌نیر یان گوێز یان هه‌نگوین له‌گه‌ڵ نان یان سه‌موونی ئاردی بۆر .

2- خواردنی ژه‌می نیوه‌ڕۆ و ئێواره‌ له‌ کاتی خۆی دا له‌گه‌ڵ پاپه‌ند بوون به‌ خواردنی ژه‌می ئێواره‌ پێش سه‌عات حه‌وتی شه‌و ( یان زووتر).
3-خواردنی میوه‌ و سه‌وزه‌ سێ جار له‌ نێوان ژه‌مه‌کان:
- باشترین کات دوو كاتژمێر پێش ژه‌مه‌کان یان پاش ژه‌مه‌کان. 
- خواردنی میوه‌کان به‌ ته‌واوی سوودی زیاتره‌ وه‌ک به‌ شێوه‌ی شه‌ربه‌ت، ئه‌گه‌ر به‌ شێوه‌ی شه‌ربه‌ت خورایه‌وه‌ پێویسته‌ له‌ ماڵه‌وه‌ ئاماده‌ بکرێت.
-  میوه‌کان پێویسته‌ هه‌مه‌جۆر و ڕه‌نگی جیاواز بێت ئه‌گه‌ر له‌ ماڵ دا هه‌بێت، واته‌ باشتره‌ هه‌موو ڕۆژێک هه‌مان جۆر میوه‌ نه‌خورێت . 
-  سه‌وزه‌ تا ڕه‌نگه‌که‌ی تۆختر بێت باشتره‌ .

4- خواردنه‌وه‌ی ئاو به‌ شێوه‌یه‌کی به‌رده‌وام له‌ نێوان ژه‌مه‌کان ؛ ئه‌گه‌ر ( ۱۱ په‌رداخ ) بخۆیته‌وه‌، ئه‌وا زیاتر له‌ پینج په‌رداخی ده‌چێت بۆ مێشک تا به‌ باشی و چالاکانه‌ کاری خۆی ئه‌نجام بدات .

5- ڕۆژانه‌ زۆر گرنگه‌ نیو كاتژمێر وه‌رزش بکه‌یت، هه‌موو نیو كاتژمێر جارێک ( ۲ ـــ ۳ خوله‌ک ) به‌پێ بڕۆ ،به‌ ڕۆیشتنه‌وه‌ وانه‌كانت بخوێنه‌.

6- پێویسته‌ ڕۆژانه‌ نزیکه‌ی نیو كاتژمێر بچیته‌ به‌ر خۆر باشترین کات ( كاتژمێر ۹ ــ ۱۰ ) به‌یانی یه‌، ئه‌گه‌ر که‌می ڤیتامین D هه‌یه‌ یان هه‌بووه‌ پێشتره‌ نزیکه‌ی یه‌ک كاتژمێر.
7- پێویسته‌ پێش  كاتژمێر( ۱۰) ی شه‌و خه‌وتبیت، شه‌وان كاتژمێر( ۷ ـــ ۹ ) بنوو ، به‌ڕۆژ له‌ نیو كاتژمێر زیاتر مه‌خه‌وه‌، ئه‌ویش پێش كاتژمێر سێی دوا نیوه‌ڕۆ.

8-دوور بکه‌وه‌ له‌ خواردنی ئه‌و ده‌رمانانه‌ی گوایه‌ یاده‌وری به‌هێز ده‌که‌ن و ناهێڵن .

9- ته‌نها ده‌رمانێک که‌ ڕێگه‌ پێدراوه‌ بریتیه‌ له‌ پێکهاتوویه‌ک که‌ بریتیه‌ له‌ ڤیتامینه‌کان و کانزاکان که‌ پێویسته‌ ئه‌مانه‌ی تێدا بێت ( vitamin B-complex , iron , vitamin-D , omega 3 , 6 , 9, zinc , Seleinuim , , vitman-E, vitamin - C , -magnesium ,iodine ) ۰به‌ڵام هیچ کاتێک شوێنی خواردن ناگرێته‌وه‌.

10- له‌ ڕووی زانسته‌وه‌ نابێت خوێندکار به‌ڕۆژوو بێت،دوای تاقیکردنه‌وه‌کان ڕۆژووه‌کانت بگره‌وه‌ .