نه‌ته‌وه‌ یه‌كگرتووه‌كان ١٢ گۆڕی به‌ كۆمه‌ڵی له‌ عێراق دۆزییه‌وه‌

67 جار خوێندراوەتەوە کات02:18 بەروار24-05-2019
نه‌ته‌وه‌ یه‌كگرتووه‌كان ١٢ گۆڕی به‌ كۆمه‌ڵی له‌ عێراق دۆزییه‌وه‌
 
راچڵەكین
 
تیمی نه‌ته‌وه‌ یه‌كگرتووه‌كان كه‌ له‌ تاوانه‌كانی رێكخراوی تیرۆریستی داعش ده‌كۆڵێته‌وه‌ له‌ عێراق ١٢ گۆڕی به‌كۆمه‌ڵی دۆزیووه‌ته‌وه‌.
 
تیمه‌كه‌ی نه‌ته‌وه‌ یه‌كگرتووه‌كان كه‌ به‌ پشتیوانی پسۆڕان و پسپۆڕانی هه‌واڵگری توركیا، سوید، ئه‌ڵمانیا و سعوودیه‌ له‌ ٢٠١٨ه‌وه‌ ده‌ستی به‌كاره‌كانی كردووه‌ راپۆرتی دووه‌مینی خۆی به‌ سه‌ردێڕه‌كانی "ئه‌و هێرشانه‌ی له‌ ٢٠١٤ كرانه‌ سه‌ر ئێزدییه‌كان"، "ئه‌و تاوانانه‌ی له‌ ٢٠١٦ له‌ مووسڵ ئه‌نجام دراون" و "ئه‌و سه‌ربازه‌ عێراقیانه‌ی له‌ ٢٠١٤ له‌ تكریت كوژراون"، پێشكه‌شی ئه‌نجوومه‌نی ئاسایشی نێوده‌وڵه‌تی كرد.
 
له‌ راپۆرته‌كه‌دا تیشك خراوه‌ته‌ سه‌ر ئه‌وه‌ی كه‌ ١٢ گۆڕی به‌ كۆمه‌ڵ له‌ عێراق دۆزراونه‌ته‌وه‌. به‌ڵگه‌ی فیزیكی و زینده‌ناسی له‌ گۆڕه‌ به‌ كۆمه‌ڵه‌كان وه‌رگیراون و به‌ دانیشتن له‌گه‌ڵ زیانبه‌ركه‌وتووان و كه‌سوكاری هێرش بەرکەوتووەكانی داعش به‌ڵگه‌كان كۆكراونه‌ته‌وه‌.
 
تیمه‌كه‌ی نه‌ته‌وه‌ یه‌كگرتووه‌كان له‌ راپۆرته‌كه‌یدا ئاماژه‌ی به‌وه‌ داوه‌ كه‌ به‌مه‌به‌ستی ئه‌وه‌ی داعش به‌ به‌رپرسیاری تاوانی جه‌نگ، ئه‌نجامدانی تاوان دژی مرۆڤایه‌تی و ئه‌نجامدانی ئه‌و تاوانانه‌ی ده‌بنه‌ هۆی كۆمه‌ڵكوژی له‌قه‌ڵه‌م بدرێت به‌ڵگه‌ كۆكراوه‌كان ئاماده‌كراون تاكو بدرێنه‌ وڵاتان و دادگاكان.