بۆچی سبەی قۆناغێکی نوێ یە؟

425 جار خوێندراوەتەوە کات11:26 بەروار09-06-2019
بۆچی سبەی قۆناغێکی نوێ یە؟
رامان مجید فقێ

سبەی بە بەهانەی یەک دەنگیەوە پەرلەمان بۆ چار ساڵ ئەتک دەکرێت

سبەی سەرەتای دارشتنەوەیەکی نوێی دژ یەکی بەرژەوەندیەکانە لە نێوان سەرۆکی هەرێم و سەرۆکی حکومەت لە نیوان بەغدا و انقرە

سبەی سەرەتای دەرکەوتنی ماهیەتی ڕاستەقینەی گۆرانی دوای کاک نەوشیروانە

لە سبەیەوە بەڕێز قادر و عثمان دەست پێ دەکەنەوە و دێوەزمەیەکی نۆێ بۆ ئۆپۆزسیۆنی ڕابردوو دروست دەبێت

لە سبەیەوە کاک بەرهم بۆ کاک مسعود و کاک مسعود بۆ کاک برهم بەرنامەی دوای چوار ساڵی تر بۆ یەک دادەڕێژن
لە سبەیەوە یەکێتی سەرەتای قۆناغێکی سەختی نوێ ی ناو خۆی دەست پێ دەکات

لە سبەیەوە شەڕی ئامۆزا بەفەرمی دەچێتە قۆناغێکی نوێ و یاسایەوە

لە سبەیەوە مونا و علی و اومێد و بێگەرد و عبدللە لە یەک سەنگەرن بەیەکەوە چەپڵە لێ دەدەن و شەڕی سەرچۆپی بۆ سەروکانی حکومەت و هەرێم لە کۆبونەوەکان دەکەن

لە سبەیەوە بارەگای بارزانی بە فەرمی بریارەکانی دەچێتە سەروی دەسەڵاتەکانی دادگا و یاسادانان و جێ بەجێ کردن

لە سبەیەوە پاڵەوانەکانی دوێنێ ی بەرگريکار لە دزینی نەوت لەلایەن جوت بنەماڵەوە بۆیان نیە ئەم بێڕێزیانە دوبارە بکەنەوە بە خواستی خۆیان بوون بە ئاگادار و ڕەزامەند لەم دۆسیانەی کە پێان دەگوت دزینی قوتی خەڵک نەک شەریک

لە سبەیەوە چیتر باسی دەستور و ئەم شتانەی تایبەتن بە سیستەمی پەرلەمانی و سەرۆکایەتی ..سەرۆکی هەرێم و دەسەڵاتەکان ببڕای ببڕ ناکرێتەوە

لە سبەیەوە داگیر کەرو داگیر کراو. .خاک فرۆش و خۆفرۆش و نیشتمان پەروەر و شۆڕش گێڕ و گەندەڵ  دز و پاک دڵسوز .. ئاڵا و مەڵا وەک و یەکن

لە سبەیەوە میدیای ئازاد و دەنگی ناڕازی و بیر و بۆچونی جیاواز بە نادیدە دەگیرێن تا ئاستی هەناسە بڕین

لە سبەیەوە ئاسایە بە حورمەت و بێ حورمەت لە یەک ڕێز هەڵ بکەن
لە سبەیەوە تۆش دەتوانی جوانتر ببینت ببیستیت بنوسیت