هەڵكەوت زاهیر لەبارەی تەندروستی زیاد ئەسعەدەوە هاتە دەنگ

575 جار خوێندراوەتەوە کات03:56 بەروار25-06-2019
هەڵكەوت زاهیر لەبارەی تەندروستی زیاد ئەسعەدەوە هاتە دەنگ

راچڵەكین 

هەڵکەوت زاهیر، ئاوازدانەری کورد لەبارەی تەندروستی هونەرمەندی كورد زیاد ئەسعەد روونکردنەوەیەکی بڵاوکردەوە و جەختی لەوەكردەوە، تەندروستی زیاد ئەسعەد زۆر باشە و بەردەوامە لە کارە هونەرییەکانی.

ئەمڕۆ سێشەممە 25 ی حوزەیرانی 2019  هەڵکەوت زاهیر لە هەژماری خۆی لەتۆڕی كۆمەڵایەتی فەیسبووک روونکردنەوەیەکی ڤیدیۆیی بڵاوکردەوە و دەڵێت، "کاتژمێر 3:00ی دواینیوەڕۆی ئەمڕۆ پەیوەندییەکی تەلەفۆنیم لەگەڵ هونەرمەند زیاد ئەسعەد ئەنجامدا و لەو پەڕی تەندروستی باشدایە و ئەوەی لەبارەیەوە دەگوترێت دوورە لە راستییەوە".

هەڵکەوت زاهیر ئاماژەی بەوەشكردووە، "هەوادارانی هونەرمەند زیاد ئەسعەد ئاگاداردەکەمەوە کە ئەو وەک و بەهار وایە و تاوەکو دێت جوانتر دەبێت، ئەوەی لە تۆڕە کۆمەڵایەتییەکانیش لەبارەی هونەرمەندەوە دەگوترێت راست نییە".