عیزەت ئەبو عوف كۆچی دوایی كرد

163 جار خوێندراوەتەوە کات11:01 بەروار01-07-2019
عیزەت ئەبو عوف كۆچی دوایی كرد

راچڵەكین- 

بەرەبەیانی ئەمڕۆ دووشەممە 1ی تەموزی 2019، عیزەت ئەبو عوف، ئەكتەری ناوداری میسر لەیەكێك لەنەخۆشخانەكانی ئەو وڵاتە، دوای ململانێ لەگەڵ نەخۆشییەكانی دڵ و جگەر، كۆچی دوایی كرد. 

ئەشرەف زەكی، نەقیبی هونەرمەندانی میسری رایگەیاند" ئەكتەری ناسراوی میسری عیزەت ئەبو عوف لە تەمەنی 71 ساڵی كۆچی دواییكرد، ئەو هونەرمەندە یەكێك بووە لە سیمبوڵی سینەماو درامی میسری، هەمیشە بە زیندوویی لە نێو میسرییەكان و عەرەبەكان دەمێنێتەوە."

هونەرمەند عیزەت ئەبو عوف لە ساڵی 1948 لە قاهیرەی پایتەختی میسر لە دایكبووە، دەرچووی كۆلیژی پزیشكیە، دواتر لە ساڵی 1992 دەستی بەكاری نواندن لە نێو فیلم و دراما و شانۆی میسری كردووە، زیاتر لە 120 فیلم و درامای و كاری شانۆیی هەیە، سەرۆكی فێستیڤاڵی فیلمی قاهیرە بووەو خاوەنی دەیان خەڵاتی نێودەوڵەتییە.

لە بەناوبانگترین كارە هونەرییەكانی " ئایس كرێم لە جلیم، باڵندەكانی تاریكی، عەبود لەسەر سنوور، بەخیت و عەدیلە 2، خانمەكانی گاردن سیتی و زیزینیا."