ئەردۆغان هێرش دەكاتە سەر شاری سلێمانی

9743 جار خوێندراوەتەوە کات12:00 بەروار06-07-2019
ئەردۆغان هێرش دەكاتە سەر شاری سلێمانی

راچڵەكین-

سەرۆككۆماری توركیا دەڵێت، ئەوانەی نەیانتوانی لەناوەوە بە مەرامەكانیان بگەن (مەبەست پەكەكەیە)، 10 ساڵ دوای ئەوە لە باكوری عیراق لە "سلێمانی" دەستیان بەجۆرێكی دیكە لە ئاژاوەگێڕی كرد.

ڕەجەب تەیب ئەردۆغان، لەمیانی بەڕێوەچوونی ئاهەنگی دەرچوونی زانكۆی بەرگریی نیشتمانی و پەیمانگای جەنگیی و پەروەردەی ئەركانی جەنگیی توركیاد لە ووتارێكدا ئاماژەی بەوەكرد:" لەماوەی چارەكە سەدەیەكدا گەواهیدەری چەندین ڕووداوی بەپەند و عیبرەت بووین كە زۆربەیان لە تەمووزدا ڕوویانداوە، ڕێكخراوی جودا خواز ( مەبەست لێی پەكەكەیە) دەستی بەهێرشكردنە سەر بنكەكانمان و گروپی سەربازەكانمان كرد لە رۆژهەڵات و باشوری رۆژهەڵاتی ئەنادۆڵ."

وتیشی:" ئەوانەی نەیانتوانی لەناوەوە بە مەرامەكانیان بگەن، 10 ساڵ دوای ئەوە لە باكوری عیراق لە سلێمانی دەستیان بەجۆرێكی دیكە لە ئاژاوەگیڕی كرد، ئەوانەی بەئاشكراو نهێنی پشتیوانی ئەو رێكخراوە تیرۆرستییە دەكەن كە ماوەی 35 ساڵە وڵاتەكەمانی كردووەتە ئامانج، لە سوریا كوتوونەتە دوای یاری و بۆسەی دیكە."