چەند بەلەمێكی ئێرانی هەوڵی رفاندنی كەشتییەكی نەوتی بەریتانیا دەدەن

512 جار خوێندراوەتەوە کات10:00 بەروار11-07-2019
چەند بەلەمێكی ئێرانی هەوڵی رفاندنی كەشتییەكی نەوتی بەریتانیا دەدەن

راچڵەكین 

پێنج بەلەمی دەریایی سوپای پاسدارانی ئێرانی له‌ نه‌وتهه‌ڵگرێكی به‌ریتانیا له‌ ئاوه‌كانی كه‌نداو نزیك بوونه‌ته‌وه‌  و ویوستویانە دەستیبەسەردا بگرن، به‌ڵام كاتێك هۆشدارییان پێدراوه‌ له‌لایه‌ن پارێزه‌رانی كه‌شتییه‌كه‌وه‌ كشاونه‌ته‌وه‌.

چەند بەرپرسێکی ئەمریکی ئاگادار لەوپرسە بەمیدیاكانی وڵاتەكەیان وتووە، کەشتییە نەوتییەکەی بەریتانیا لە دەروازەی باکووری گەرووی هورمز بووە کاتێک ئەم بەلەمانە ویستوویانە دەستیبەسەردابگرن.

هاوكات‌ هێزی ده‌ریایی سوپای پاسدارانی ئێران لەراگەیەندراوێكدا  رایگەیاندووە، ئه‌گه‌ر بڕیار هه‌بێت نه‌وتهه‌ڵگره‌كانی ناو ئاوه‌كانی كه‌نداو رابوه‌ستێنرێن، سوپای پاسداران توانای هه‌یه‌ له‌ چوارچێوه‌ی جوگرافیای خۆیدا ئه‌و ئه‌ركه‌ جێبه‌جێ بكات و به‌ توندی و خێرایی بگاته‌ سه‌ریان و بیانوه‌ستێنێ.

ئاماژەی بەوەشكردووە،ئه‌گه‌ر فه‌رمانی راگرتنی نه‌وتهه‌ڵگره‌كانمان پێ بدرێت، به‌خێرایی و بێ دوو دڵی كه‌شتییه‌ نه‌وتهه‌ڵگره‌ بیانییه‌كان راده‌گرین.

هێزی دەریایی پاسداران جەختی لەوەشكردووەتەوە، هیچ رووبه‌ڕوو بوونه‌وه‌یه‌كیان له‌گه‌ڵ هیچ كه‌شتییه‌كی بیانی نه‌بووه‌ و له‌ ماوه‌ی 24 كاتژمێری رابردووش هیچ كێشه‌یه‌ك له‌گه‌ڵ كه‌شتی نه‌وتهه‌ڵگری به‌ریتانی رووینه‌داوه‌.

ئه‌و رووداوه‌ش له‌ كاتێكدایه‌ پێشتر فەرماندەیەکی سوپای پاسداران هەڕەشەی تۆڵەکردنەوەی لە وڵاتی بەریتانیا لە بەرامبەر دەستبەسەر کردنی کەشتییەکی نەوتهەڵگری ئێرانی كردبوو.