سیڤی كاندیدی لیستی برایەتی بۆ پارێزگاری نوێی كەركوك

527 جار خوێندراوەتەوە کات12:57 بەروار11-07-2019
سیڤی كاندیدی لیستی برایەتی  بۆ پارێزگاری نوێی كەركوك

راچڵەكین 


ئەمڕۆ پێنجشەممە 11ی تەمموزی 2019 یەكێتی و پارتی بەفەرمی  تەیب جەبارییان وەكو كاندیدی لیستی برایەتی بۆ پۆستی پارێزگاری كەركوك راگەیاند. 

لەكۆنگرەیەكی رۆژنامەوانی هاوبەشی نێوان  هەریەكە لە قادر حەمەجان كارگێری مەكتەبی سیاسی یەكێتی  و مەحمود محەمەد وتەبێژی پارتی جەختیان لەوەكردەوە، كە لەگەڵ پێكهاتەكانی دیكەی كەركوك كۆدەبنەوە لەسەر كاندیدەكەی لیستی برایەتی بۆ پۆستی پارێزگار. 

باسیان لەوەشكرد، كە ئاسایكردنەوەی دۆخی كەركوك و دانانی پارێزگاری كەركوك هاوتەریب دەبن. 



سیڤی كاندیدی پارێزگاری كەركوك بەمشێوەیە: 

ئەندازیار تەیب جەبار ئەمین کاندیدی لیستی برایەتی بۆ پارێزگاری کەرکوک 

ساڵی ١٩٥٤ لە کەرکوک لە دایک بووە
خوێندنی سەرەتایی و ناوەندیی و ئامادەیی لە کەرکوک تەواوکردووە
١٩٧٦ کۆلیژی ئەندازیاری بەشی بیناسازی لە زانکۆی سلێمانی تەواوکردووە
ساڵی ١٩٧٨ تا ١٩٩٢ فەرمانبەر بووە وەک ئەندازیار لە بەڕێوەبەرایەتی رێگاوبانی سلێمانی 

لە ١/٨/١٩٩٢ تا ١/٨/١٩٩٧ بریکاری وەزارەتی ئەشغال و نیشتەجێکردن بووە لە کابینەی یەکەم و دووھەمی حکومەتی ھەرێمی کوردستان 
کۆتای ساڵی ١٩٩٧ خۆی خانەنشین کردووە

لە ساڵی ١٩٩٨ لە کەرتی تایبەت کاریکردووە لەبواری ئەندازیاری
لە ساڵی ١٩٧٠ دەستی بە نووسین کردووە 
خاوەنی چەندین کتێبی شیعری و کتێبی رەخنەییە
چەندین نوسین و کتێبی ھەیە لە بواری ئەندازەی شارو شوێن و ئاوەدانی 

یەکێکە لە دامەزرێنەرانی یەکێتیی ئەندازیارانی کوردستان لە ساڵی ١٩٩٢
لە ساڵی ١٩٩٢ تا ٢٠٠١ جێگری سەرۆکی یەکێتیی ئەندازیارانی کوردستان بووە
ساڵی ٢٠٠١ تا ٢٠٠٣ سەرۆکی یەکێتیی ئەندازیارانی کوردستان بووە

ئەندامی یەکێتیی نووسەرانی کوردە
ئەندامی یەکێتیی نووسەرانی عێراقە
ئەندامی کۆمەڵەی روناکبیری و کۆمەڵایەتی کەرکوکە