هاتوچۆی هەرێم ئەو هاوڵاتیانە ئاگادار دەكاتەوە كە بەنیازن ئۆتۆمبێلی ژمارەكاتی بكڕن

1388 جار خوێندراوەتەوە کات02:38 بەروار21-07-2019
هاتوچۆی هەرێم ئەو هاوڵاتیانە ئاگادار دەكاتەوە كە بەنیازن ئۆتۆمبێلی ژمارەكاتی بكڕن

راچڵەكین- 

بەڕێوەبەرایەتی گشتی هاتووچۆی هەرێم ئەو هاوڵاتیانە ئاگادار دەكاتەوە كە بەنیازن ئۆتۆمبێلی ژمارەكاتی بكڕن و بۆ یەكەمجار تۆماری بكەن، تا لەكاتی واژۆكردنی گرێبەستی كڕینەكەدا، ئاگاداری دەستەواژەیەك بن كە تیایدا هاتووە.

بەڕێوەبەرایەتی گشتی هاتوچۆی هەرێم، ئەمڕۆ یەكشەممە 21 ی تەمموزی 2019  لە راگەیەندراوێكدا ئاماژەی بەوەكردووە، "لەكاتی فرۆشتنی ئۆتۆمبێلی ژمارە كاتی و دروستكردنی گرێبەست بۆ كڕیاران، لە بری ئەو دەستەواژەیەی نووسراوە (تەنها بۆماوەی ٦٠ رۆژ كار بەم گرێبەستە دەكرێت) بنووسن ئەبێت لە دوای واژۆكردنی ئەم گرێبەستە سەردانی بەڕێوەبەرایەتی هاتووچۆ بكرێت بەمەبەستی تۆماركردن."

باسی لەوەشكردووە، ئەگەر لە ماوەی 60 رۆژ ساڵانە و تابلۆ وەرنەگیرێت بە بڕی  یەك ملیۆن دینار سزا دەدرێت.