وێنە؛ لەرووباری گەلی عەلی بەگ مینێكی كەسی سەردەمی رژێمی بەعس دۆزرایەوە

94 جار خوێندراوەتەوە کات10:23 بەروار29-07-2019
وێنە؛ لەرووباری گەلی عەلی بەگ مینێكی كەسی سەردەمی رژێمی بەعس دۆزرایەوە

راچڵەكین-

لەكاتی گەڕان بۆ دۆزینەوەی تەرمی دوو هاووڵاتی، لەلایەن تیمەكانی بەرگریی شارستانیی سۆران، مینێكی دژە كەسیی سەردەمی بەعس دۆزرایەوە.

عەمید عیماد كەنعان، بەڕێوبەری بەرگریی شارستانیی سۆران راگەیاند: "لە كاتی گەڕانی تیمەكانی بەرگریی شارستانی، بەدوای تەرمی دوو خنكاو بەناوەكانی (عەبدولباست و فەرمان) كە چەند هەفتەیەكە خنكاون و تەرمەكانیان نادیارە، لە كەنار رووباری گەلی بەگ، لە نزیك كانی ماران (مین)ێكی دژە كەسیی، مەترسیدار و نەتەقاوە، لە جوری VS50 ئیتالی دۆزرایەوە، دەستبەجێ تیمەكانی دەزگای مینمان لێی ئاگادار كردەوە".

وتیشی: "دوێنێ یەكشەممەلەلایەن تیمی تایبەت بە هەڵگرتنەوەی مین و تەقەمەنییەكان، لە بەڕێوەبەرایەتیی گشتیی كاروباری مینی هەولێر، مینەكە بە شێوەیەكی سەركەوتوانە لە شوێنەكە هەڵگیرایە و دواتر پووچەڵ كرایەوە." وەك ماڵپەڕی باسنیوز بڵاویكردووەتەوە.