شارێكی چین تەنگ بە دوبەی هەڵدەچنێت

517 جار خوێندراوەتەوە کات04:45 بەروار31-07-2019
شارێكی چین تەنگ بە دوبەی هەڵدەچنێت

راچڵەكین 

ئەگەر بەمشێوەیە بڕوات لەماوەیەكی كەمدا شاری دوبەی پێگە و جێگەی خۆی لەدەستدەدا و شاری " سانیا" لە چین جێگرەوەی دوبەی دەبێت و دەبێت بە شارێكی مەزنی ئابووری و گەشتیاری. 

سانیا لە باشووری دووڕگەی " هاینان" لە چین هەڵكەوتووە و بە ڕادەیەك خۆش و جوانە كە بە " دوبەی خۆرهەڵات" ناوبانگی دەركردووە. ناوچەی سانیا لە باشووری دەریای چین هەڵكەوتووە و درێژاییەكی 285 كیلۆمەترە و لە 19 كەنداوی بچووك پێكهاتووە كە كوێستانێكی خۆش و دڵگری هەیە. 

 

ژانگ كونگویی، جێگری بەڕێوەبەری گشتی پەرەپێدانی گەشتیاری سانیا لەوبارەوە دەڵێت: سانیا تەنها شارێكی گەشتیاری چینە كە لە قەراخی دەریا هەڵكەوتووە و خاوەنی كەشوهەوایەكی خۆش و دڵگرە و لێرە هەموو جۆرە ئیمكاناتێك بۆ گەشتیاران فەراهەم كراوە.

پەیكەری " گوان یین پۆسا بە دریًژایی 108 مەتر لەشاری سانیا جوانییەكی بەخشیوە بە شارەكە ، لەوێ لەگەڵ كلتوور و فەرهەنگی چینی ئاشنا دەبن. 
دووڕگەی دەستكردی فۆنیكس ناسراو بە دوبەی خۆرهەڵات

 

هەرچەند شاری سانیا شارێكی گەشتیارییە، بەڵام هاوكات شارێكی نەریتییە، ئەو دووڕگە ناسراوە بە دوبەی خۆرهەڵات. 

شانگ بەڕێوەبەری یەكێك لە كۆمپانیاكانی گەشتیاری باس لەو دووڕگەیە دەكات كە ناسراوە بە دوورٍگەی فۆنیكس، ئەو دووڕگە دەستكردە و لەدوو قۆناغدا دروست دەكرێت، قۆناغی یەكەمی كە تێیدا بینا و شوقە و هوتێلی سەیر و سەمەرە لەناو ئاودا دروست كراوە و لەسەرتاسەری جیهانەوە گەشتیار ڕووی تێدەكات و  قۆناغی دووەمیشی هێشتا دەستی پێنەكردووە بەڵام هەموو لەناو دەریا و ئاودا دەبێت و شوێنە گەشتیارییەكان و بازاڕەكان باجیان لێوەرناگیرێت. لەشوێنێكدا كە ئە ئیكواریۆم ( ژووری شوشە) ناسراوە 80 هەزار گیاندار و ئاژەڵی دەریایی تێیداپارێزاوە و بەخێو دەكرێن. 

 

 

بەپێی پلانێك كە بۆ شارەكە داریًژراوە گەشتیارانی 59 وڵاتی جیهان دەتوانن بەبێ ڤیزا بۆ ماوەی 30 ڕۆژ لە شاری سانیا بمێنەوە.

شاری سانیا ڕووبەرەكەی 59هەزار و 191 كیلۆمەتر چوارگۆشەیە وئاماری دانیشتوانی 685 هەزار و 405 كەسە و یەكێكە لە گرنگترین شوێنە گەشتیارییەكانی چین و بەمنزیكانە تەنگ بە دوبەی هەڵدەچێنێت.