چوار نیشانەی جەستتەی‌ ئاماژه‌یه‌ بۆ توشبوون به‌ دڵه‌ ڕاوكێ

334 جار خوێندراوەتەوە کات06:07 بەروار04-08-2019
چوار نیشانەی جەستتەی‌ ئاماژه‌یه‌ بۆ توشبوون به‌ دڵه‌ ڕاوكێ

ڕاچڵەكین-

دڵه‌ ڕاوكێ به‌ ته‌نها كار له‌ باری ده‌رونی مرۆڤ ناكات به‌ڵكو زۆر كات ئه‌م بابه‌ته‌ تێده‌په‌ڕێنێت و نیشانه‌كانی له‌سه‌ر جه‌سته‌ ده‌رده‌كه‌وێت، ئه‌گه‌ر ئه‌م چوار گرفته‌ ته‌ندروستیه‌ت بۆ دروست بوو ئه‌وه‌ مانای وایه‌ له‌ حاڵه‌تی ده‌رونی دڵه‌ڕاوكێدا ده‌ژیت.

1-كه‌م و زیادبوونی كێش:
ئه‌گه‌ر خۆت به‌شێوه‌یه‌كی ئاسایی نانی ژه‌مه‌كان ده‌خۆیت و هیچ گرفتت نیه‌ به‌ڵام كێشت گۆڕانكاری به‌سه‌ردا دێت كه‌م  ده‌كات ئه‌وه‌ مانای وایه‌ له‌ دڵه‌ ڕاوكێدا ده‌ژیت و باشتر وایه‌ ده‌رونت ئارام بكه‌یته‌وه‌ و له‌گه‌ڵ ئه‌وه‌شدا په‌ڵه‌ و زیپكه‌ له‌سه‌ر ڕوخسار ده‌رده‌كه‌وێت.

2-بێزاری و هه‌ستكردن به‌ ماندوێتی:
بێ ئه‌وه‌ی‌ هیچ كارێكت كردبێت به‌رده‌وام هه‌ست به‌ ماندوێتی ده‌كه‌یت؟ ئه‌وه‌ به‌دڵنیاییه‌وه‌ دۆخی ده‌رونیت ئارام نییه‌ و دودڵیت و ئه‌گه‌ری زۆره‌ به‌رگری له‌شت داببه‌زێت بۆ ئه‌وه‌ش باشتر وایه‌ پشوو وه‌ربگریت.

3-كه‌می ته‌ركیز:
نه‌بوونی خه‌وێكی ئارام به‌هۆی دودڵیه‌وه‌ واده‌كات له‌سه‌ر كار و له‌ ماڵه‌وه‌ ته‌ركیزت نه‌بێت بۆ ئه‌و كارانه‌ی‌ ده‌یكه‌یت.

4- هه‌ڵوه‌رینی قژ:
ئاره‌زوو نه‌كردنی سێكس و هه‌ڵوه‌رینی قژ و ناڕێكی لێدانه‌كانی دڵ و هه‌ستكردن به‌ ئازاری سه‌ر سنگ چه‌ند نیشانه‌یه‌كن بۆ دڵه‌ ڕاوكێ و باشتر وایه‌ به‌ زووترین كات سه‌ردانی پزیشك بكه‌یت بۆ وه‌رگرتنی چاره‌سه‌ر.