ئایا ڕێجیم کردن ده‌بێته‌ هۆی که‌م خوێنی؟

120 جار خوێندراوەتەوە کات10:26 بەروار11-08-2019
 ئایا ڕێجیم کردن ده‌بێته‌ هۆی که‌م خوێنی؟

ڕاچڵه‌كین-

زۆرن ئه‌و که‌سانه‌ی ترسی ئه‌وه‌یان هه‌یه‌ که‌ تووشی که‌م خوێنی ببن له‌ کاتی ڕێجیمدا، هه‌ڵبه‌ت زۆربه‌ی ڕێجیمی زانستی و هاوسه‌نگ نابێته‌ هۆی که‌م خوێنێ به‌ڵام هه‌ندێک جار که‌م خوێنی له‌ کاتی ڕێجیم یان پاش ڕێجیم ڕوو ده‌دات، دکتۆر کامه‌ران ڕسوڵ ژاژڵه‌یی پسپۆڕی زانستی خۆراک و نه‌شته‌رگه‌ری گشتی له‌م بابه‌ته‌دا وه‌ڵامی ئه‌م پرسیاره‌ ده‌داته‌وه‌.
 
 هۆکاره‌کانی که‌م خوێنی له‌ کاتی ڕێجیم :
1- که‌می ڤیتامین ( B 12 ) له‌ ئه‌نجامی نه‌خواردن یان که‌م خواردنی ئه‌و خۆراکانه‌ی ده‌وڵه‌مه‌ندن به‌ وه‌ک گۆشت و مریشک و به‌روبوومه‌ ئاژه‌ڵیه‌کان.
2- که‌می مادده‌ی زنک ، ئاسن ، فۆلیک ئه‌سید به‌ هۆی نه‌خواردنی بڕی پێویست له‌و خۆراکانه‌ی ده‌وڵه‌مه‌ندن به‌و ماددانه‌.
3- نه‌خواردنی ڤیتامین و کانزاکان به‌ شێوه‌ی حه‌پ یان گولاج یاخود خواردنی بڕی که‌متر له‌ پێویست .
4- ڕێجیمی زۆر قورس و ناته‌ندروست به‌ مه‌به‌ستی دابه‌زینی کێش به‌ خێرایی بێ سه‌رپه‌رشتی پزیشکی پسپۆڕ .
5-  به‌رده‌وام بوون له‌ سه‌ر یه‌ک جۆر له‌ ڕێجیمی خواردن بۆ ماوه‌ی چه‌ند مانگێک . 
6- له‌ خانمان دا به‌ هۆی سوڕی مانگانه‌ یان بوونی گرێی منداڵدان .
7- ئه‌گه‌رئه‌و که‌سه‌ پێشتر نه‌شته‌رگه‌ری بچووک کردنه‌وه‌ی یان بڕینی گه‌دده‌ی بۆ کرا بێت.
8- بوونی که‌می مادده‌ی ئاسن ، زنک ، فۆلیک ئه‌سید یان ڤیتامین ( B 12 ) پێش ده‌ست پێکردنی ڕێجیم .