گەرمیان.. ئه‌و منداڵه‌ی به‌هۆی یاریی ئاگرینه‌وه‌ سوتا گیانی له‌ده‌ستدا

54 جار خوێندراوەتەوە کات11:09 بەروار17-08-2019
گەرمیان.. ئه‌و منداڵه‌ی به‌هۆی یاریی ئاگرینه‌وه‌ سوتا گیانی له‌ده‌ستدا

راچڵەكین 

وته‌بێژی پۆلیسی گه‌رمیان رایگه‌یاند، یەکێک لەومنداڵانەی بەهۆی یاری ئاگرینەوە لە یەکەم ڕۆژی جەژنی قورباندا سوتان، گیانی لەدەستدا. 

عەلی جەمال قه‌دوری، وته‌بێژی پۆلیسی گه‌رمیان لەراگەیەندراوێكدا رایگه‌یاند، یەکەم ڕۆژی جەژنی قوربان لەناحیەی ڕزگاری سەربە قەزای کەلار دوو منداڵ یاری ئاگرینیان خستبوە ناو بەرمیلی نەوتەوەن لەئەنجامدا یارییه‌ ئاگرینه‌كان پێیاندا ته‌قییه‌وه‌ و هەردوکیان سوتان.

وتیشی،  دوای چارەسەری پێویست لە نه‌خۆشخانه‌ی فریاکەوتنی کەلار،  بەهۆی زۆری ڕێژەی سوتانەکەیانەوە ڕەوانەی نەخۆشخانەی سلێمانی کران.

وته‌بێژی پۆلیسی گه‌رمیان باسی لەوەشكرد، وێڕای ره‌وانه‌كردنیان بۆ نەخۆشخانە بەڵام ئێوارەی ئەمڕۆ شەممە 17ی ئابی 2019، یەکێک لەمنداڵەکان کەتەمەنی حەوت ساڵە  بەناوی (ئەنەس جەبار محه‌مه‌د) لەنەخۆشخانەی سلێمانی گیانی لەدەستدا.