هەڵەبجە؛ شەڕی نێوان دوو ژینگەپارێز كوژرانی یەكێكیانی لێكەوتەوە

618 جار خوێندراوەتەوە کات01:52 بەروار11-09-2019
هەڵەبجە؛ شەڕی نێوان دوو ژینگەپارێز كوژرانی یەكێكیانی لێكەوتەوە

 راچڵەكین-

بەڕێوەبەرایەتی پۆلیسی پارێزگای هەڵەبجە رایدەگەیەنێت، لەئاكامی شەڕی نێوان دوو ژینگەپارێز لەناو بازاڕی شارەكە، یەكێكیان ئەوەی تریان دەكوژێت.
  
بەرزان عوسمان، وتەبێژی بەڕێوەبەرایەتی پۆلیسی پارێزگای هەڵەبجە بە (راچڵەكین)ی راگەیاند"دوو كارمەندی كۆمپانیای گایرۆس، كە ئەركیان پاككردنەوەی شاری هەڵەبجەیە، بووە بە شەڕیان و یەكێكیان بە چەقۆ ئەوەی دیكەی كوشتووە."

وتیشی:"بكوژ تەمەنی 23 ساڵە و كوژراوەكەش تەمەنی 32 ساڵە".

بەگوێرەی زانیارییەكان، ئەوەی كوژراوە ناوی "هێمن حامد سەعید"ە.

وێنەی قوربانییەكە

وتەبێژی بەڕێوەبەرایەتی پۆلیسی پارێزگای هەڵەبجە ئاشكراشیكرد، لە شوێنی رووداوەكە بكوژەكە دەستگیر كراوە.