سه‌رۆكایه‌تی په‌رله‌مان له‌گه‌ڵ كۆمه‌ڵی ئیسلامی كۆبوونه‌وه‌

101 جار خوێندراوەتەوە کات11:31 بەروار11-09-2019
سه‌رۆكایه‌تی په‌رله‌مان له‌گه‌ڵ كۆمه‌ڵی ئیسلامی كۆبوونه‌وه‌

راچڵه‌كین

سه‌رۆكایه‌تی په‌رله‌مانی‌ كوردستان، له‌ میانه‌ی‌ سه‌ردانه‌كانیان بۆ لای‌ حزب و لایه‌نه‌ سیاسیه‌كان، ئه‌مڕۆ چوارشه‌ممه‌ له‌گه‌ڵ كۆمه‌ڵی ئیسلامی كوردستان كۆبوونه‌وه‌.

به‌گوێره‌ی‌ راگه‌یه‌ندراوێكی كۆمه‌ڵی ئیسلامی، ئەمڕۆ چوار شەممە ١١ ی ٩ ی ٢٠١٩ لە مەکتەبی تایبەتی ئەمیری کۆمەڵ و بە سەرۆکایەتی مامۆستا عەلی باپیر، پێشوازیمان کرد لە ئەندامانی دەستەی سەرۆکایەتی پەرلەمانی کوردستان.

ئاماژه‌ به‌وه‌شكراوه‌، كه‌ ئامانجی سەردانی ئەم بەڕێزانە بۆ مەبەستی گفتوگۆکردن لەگەڵ کۆمەڵ و زانینینی دید و هەڵوێستی ئێمە لەسەر پرسی دەستوری هەرێمی کوردستان .

ده‌قی  راگه‌یه‌ندراوی كۆمه‌ڵی ئیسلامی:

ئەمڕۆ چوار شەممە ١١ ی ٩ ی ٢٠١٩ لە مەکتەبی تایبەتی ئەمیری کۆمەڵ و بە سەرۆکایەتی مامۆستا عەلی باپیر، پێشوازیمان کرد لە ئەندامانی دەستەی سەرۆکایەتی پەرلەمانی کوردستان .

ئامانجی سەردانی ئەم بەڕێزانە بۆ مەبەستی گفتوگۆکردن لەگەڵ کۆمەڵ و زانینینی دید و هەڵوێستی ئێمە لەسەر پرسی دەستوری هەرێمی کوردستان .

ئەوەی تایبەتە بە دید و هەڵوێستی کۆمەڵی ئیسلامیی کوردستان، مامۆستا عەلی باپێر ڕایگەیاند:

١. دەستور پەیمانێکی کۆمەڵایەتیی و سیاسیی نێوان خەڵک و دەسەڵاتە، ئەرک و مافی هاوڵاتی و دەسەڵات و سیستمی سیاسیی وڵات دیاریی دەکات .
بۆیە ئێمە لەگەڵ دەستورێکین، کە ڕەنگدانەوەی تەونی کۆمەڵایەتی کۆمەڵگەی خۆمان بێ و دەستەبەری یەکڕیزی و پێکەوەیی سیاسیی بکات .

٢٠ کۆمەڵی ئیسلامیی کوردستان لەگەڵ سیستمێکی پەرلەمانییدایە کە بنەماکانی دادپەروەریی سیاسیی و کۆمەڵایەتی بچەسپێنێت .

٣. پێگەی ئاینی پیرۆزی ئیسلام وەک ئاین و باوەڕی زۆرینەی ڕەهای خەڵکی کوردستان دەبێ لە دەستوری هەرێمی کوردستاتدا پارێزراو بێت و هیچ بڕگە و مادەیەکیشی نابێت ناکۆک بێت لەگەڵ بنەماکانی ئیسلام .
لەگەڵ ئەوەشدا پێویستە مافی سەرجەم پێکهاتە و کەمایەتییە ئاینی و نەتەوەییەکانی دیکە کە بەشێکن لە کۆمەڵگەی ئێمە بپارێزرێت .

سەبارەت بە پرسی پەیوەندییەکانی نێوان هەردوو حکومەتی هەرێم و بەغدا بەتایبەتیش لەبابەتی نەوت و بودجەدا، ئێمە پێمانوایە کە دەبێ بە لێکتێگەیشتنی هاوبەشی نێوان هەردوولا کێشەکان چارەسەر بکرێت .

پێویستە حکومەتی هەرێم لەم بابەتەدا ژیرانە و هەستیارانە مامەڵە بکات، بەرژەوەندی و گوزەرانی خەڵک و موچەخۆران بخاتە پێش بەرژەوەندی کەمینەیەکی دەستڕۆیشتوو کە قازانجیان لە ڕێکنەکەوتنی هەولێر و بەغدادایە .

بۆئەم مەبەستەش عەبدولستار مەجید سەرۆکی فراکسیۆنی کۆمەڵ کە بەشداری کۆبوونەوەکە بوو ڕایگەیاند "ئێمە پرۆژەیاسایەکی زۆر باشمان بێشکەشی دەستەی سەرۆکایەتی پەرلەمان کردووە بۆ دروستکردنی دەستەی دانوستانی نێوان هەولێر و بەغدا و بەیاساییکردنی ئەو دۆسێیە و دەرهێنانی لە دەست و ئەجێندای هەندێ حزب و شەخس" .

سەبارەت بە پرسی کەرکوکیش، مامۆستا عەلیدباپیر ئاشکرایکرد "سیاسەتی هەڵە و بەرژەوەندی حزبیی و پەراوێزخستنی ئەوانی دیکە لە کەرکوک، دۆخێکی خولقاندووە کە بەتەواوی کاریگەری لەسەر پێکهاتەی کورد و دیمۆگرافیای شارەکە کردووە، بۆیە ئێمە لەگەڵ ئەوەی لایەنگری یەکڕیزی و پێکەوەیی هێزە سیاسییە کوردستانییەکانین لەو شارە، بەڵام بە هەموو شێوەیەکیش دووبارەکردنەوەی حوکمڕانی و دەسەڵاتدارێتی ڕابردووی کەرکوک ڕەتدەکەینەوە و بەسەرچاوە و هۆکاری سەرەکی هەموو ئەو نەهامەتیانەی دەزانین کە بەسەر خەڵک و خاکی کەرکوکدا دێت"