17 كێڵگەی بەهەم هێنانی سەوزە لەناوبران

176 جار خوێندراوەتەوە کات10:52 بەروار20-09-2019
17 كێڵگەی بەهەم هێنانی سەوزە لەناوبران
راچڵەكین ـ
 
پۆلیسی سەر بە شارەوانی هەولێر، هەستان بە لەناوبردنی 17 کێڵگەی بەرهەم هێنانی سەوزە، هۆکارەکشیان بۆ ئەوەی گێڕاوەتەوە کە ئەو کێڵگانە بە ئاوی زێراب ئاودراون و لەسەر زەوی زیادەڕەو بوون.

له‌لایه‌ن هۆبه‌ی نه‌هێشتنی زیاده‌ڕه‌ویی شاره‌وانی شه‌شی هەولێر، به‌هه‌ماهه‌نگی له‌گه‌ڵ قایمقامیه‌تی قه‌زای ناوه‌ندی شاره‌كه‌ و به‌شی پۆلیسی شاره‌وانی و فه‌رمانده‌ی هێزی زێره‌ڤانی، نزیكه‌ی 17 كێلگه‌ی كشتوكاڵی کە بەشێوەیەکی زیادەڕەوی لەشاری هەولێر دروستکرا بوون لابران.

 به‌رێوه‌به‌رایه‌تی شاره‌وانی شه‌شی هه‌وڵیر بڵاوكراوه‌ته‌وه‌، هۆكاری لابردنی ئه‌و كێڵگه‌ كشتوكاڵییانه‌ بۆ ئه‌وه‌ ده‌گه‌ڕێنه‌وه‌ به‌شێوه‌یه‌كی زیاده‌ڕه‌وی له‌سه‌ر ڕێگای سه‌ره‌كی هه‌ولێر-موسڵ دروستكراون، به‌و هۆیه‌شه‌وه‌ تێكه‌ڵی ئاوی پیسی زێڕاب بوه‌ و به‌شێوه‌یه‌كی نایاسایش ئاودانیان بۆ كراوه‌، سەوزەکانی ئەو کێڵگانە مه‌ترسی بۆ سه‌ر ته‌ندروستی مرۆڤ هه‌یه‌.

شاره‌وانی شه‌شی هه‌ولێر ئه‌وه‌شی ڕونكردووه‌ته‌وه‌، له‌درێژه‌ی هه‌ڵمه‌ته‌ هاوبه‌شه‌كه‌یاندا بۆ سه‌ر ئه‌و كێلگه‌ زیاده‌ڕوویانه‌ ده‌ستیانگرتووه‌ به‌سه‌ر چه‌ند كه‌لوپه‌لێكی ئاوداندا.