یه‌ك لیستی کوردو هۆکارەکانی شکستی یەکدەنگی.. نجمەدین کەریم بە نمونە

259 جار خوێندراوەتەوە کات06:18 بەروار30-09-2019
یه‌ك لیستی کوردو هۆکارەکانی شکستی یەکدەنگی..  نجمەدین کەریم بە نمونە

لقمان حەمەد مەڕان

بەدرێژایی مێژوو کەرکوک و ناوچە کێشە لەسەرەکان خاڵێکی بەهێزی شۆڕشە یەک لە دوای یەکە کانی کورد بووە. کورد ئەگەر شۆڕشی لە پێناو ئامانجی ڕزگاری کورد بووبێت ئەوە ئامانجە گرینگە کە ئەوە بووە کە  ناوچە کێشە لەسەرەکان و کەرکوک بەتایبەتی بگەڕێنەوە سەر کوردستان وە چەندین شۆڕش لە پێناو کورستانی بوونی کەرکوک دروست بوون و یان لەو پێناوە شۆڕشەکان توشی شکەست بووە  ئەم ناوچانە هەمیشە لە دروشمەکانی شۆڕش جێگایەکی  زۆر گرینگیان هەبووە جا چ بۆ هەندانی هێزە چەکدارەکان یان بۆ جوڵاندنی عاتفی کورد لە هەموو جیهان یان لە نوسینی کتێب و ڕۆژنامەکان جێگای گرینگی و بایەخ بووە.

لە دوای پرۆسەی ئازادی عێراق  کورد بە فرە دەنگی ڕۆریشت بۆ ئەو ناوچانە بەڵام ئەوە هۆکاربوو بۆئەوەی دیسان کورد ئامانجی سەرەکی نەپێکێت لە بەدەست هێنانەوەی ئەم ناووچانە فرە دەنگی کورد لەم کاتە گرینگە و مێژوویە پێگەی کوردی دیسان بێ هێز کرد لە ئاستی لایەنەکانی عێراق و  نێو دەوڵەتیەکان پێشاندا، بەڵام تا ڕادەیەک کورد ئەگەر بە فرە دەنگیش بوو توانی لە کەرکوک  بمێنێتەوە لەوێ  پۆستی پارێزگارو چەندین پۆستی تر بەدەست بێنێت چ ئیداری بێت یان ئەمنی  لەوێ دوو ئیدارەی ڕەنگی دایەوە بەبێ خواستی خەڵکێ کەرکوک و کەرکوکیەکان لەوێ دوو ئاسایش بوونی هەبوو لە زۆر بەی ناوچەکانی تری کێشە لەسەر  ڕێک دوو ئیدارە بوو.چونکە بەدەر لەوەی دەسەڵاتی حکومەتی فیدراڵی لەوێ هەبوو ئەوە دەسەڵاتی ئیدارەی سلێمانی و هەولێریش بەهەمان شێوە بوونی هەبوو  ئەم کارەی هەرێم تەنها لە زیانێکی زۆر بۆ کورد هیچی تر نەبوو.

لەگەڵ هاتنی داعش لە ساڵی ۲۰۱٤ بۆ کوردوو ناوچە کێشە لەسەرەکان ڕۆژێکی تازە هەڵهات ئەگەر چی کورد لەم ناوچەنە دووبارە ڕووبەڕووی شەڕێکی قوڕس و ماڵ وێرانی بوویەوە بەڵام لەڕووی جوگرافی و کورد توانی مێژووێکی گەورە تۆمار بکات بۆ یەکەم جا لە مێژوودا کورد بوو بە حاکمی ڕاستەو خۆی هەموو خاکی کوردستا ن لە باشور توانی سەنگەرەکانی لە هەندێک شوێن لە کۆتا خاڵکی کوردستا دروست بکە بەڵام کورد نەیتوانی تاسەر ئەم دەستکەوتە گەورەیە بپارێزێت بەهۆی ناکۆکی نێو ماڵی کوردوو  ئەنجام دانی ریفراندۆم و ڕووداوی ۱٦  ئۆکتۆبەرو هەموو  ئەمانە دووبارە کوردیان  توشی ماڵ وێرانی و لەدەستدانی خاکی کوردوستان کردەوە دوای یەکتر تۆمەتبارکردن بەخیانەتکردن لەیەکتری لێکترازان ناو ماڵی کورد، بەڵام خۆشبەختانە بەهۆی یەک لیستی لە و ناوچەنە یەک دەنگی هێزە سیاسیەکانی کورد ئومێدێکی تر بۆ ئەم ناوچانەو خەڵکی ئەوێ گەڕاوەتەوە.
 
بەڵام ئەوەی من تێبینی دەکەم کە دیسا ببێتە هۆکاری لێک ترازانی لیستی کورد لەم ناوچەیە ئەوەیە کە دەنگۆی دروستکردنی لیستێک هەیە لە سنوری کەرکوک ئەویش بە سەرۆکایەتی دکتۆر نجمەدین کەریم ئەم لیستەی دکتۆر بەدڵنیایەوە دەبێت هۆ لێک ترازانی کورد لە ناوچەکە چونکە  د. نجمەدین کەریم پشتی پارێزگاری کەرکوک بووە بەهۆی هەندێک کارو پڕۆژە لە کەرکوک هەندێک کاردانەوەی بەرامبەر بەو ڕووداوانەی لە کەرکوک ڕوویانداوە ئەتوانی دەنگی هەندێک خەڵک بەدەست بێهنێت.

لەو لاشەوە بەشی زۆری لایەنگرانی پارتی چ بەمەبەست بێت یان بێ مەبەست دەنگی پێ ئەده‌ن لایەنی عه‌رەب و تورکمانیش  جا چ بەدەستی دەرەکی بێت یان ناوخۆی بۆ لێکترازانی کوردو پەرتەوازەی دەنگی کورد بەدڵنیایەوە  دەنگ بە لیستی د. نجمەدین ئەدەن لە ئەگەری دەنگ هێنانیشی ئەوە دەبێتە بەربەستی ڕاستە خۆ لە بەر دەمی لیستی هاوپەیمانی کوردوستانی ڕەنگە ئەو ڕێککەوتنەی هێزەکوردیەکان کردوویانە بۆ ئیدارەی داهاتوو ی شارەکە کێشەی تێبکەوێت.

بۆیە ئەرکی لە پێشینەی یەکێتی لەگەڵ کۆی هێزە کوردیەکان بەتایبەتیش پارتی ئەم کێشەیە یەکلابکاتەوە و ڕێگری بکرێت لە هەر لیستێک کە بەناوی کورد درووست دەکرێت چونکە هەر هێزێک لەدەروەی لیستی کوردی دروست بکرێت ڕاستەو خۆ دەستی دەرەکی و ناوخۆی پشتیوانی دەکەن بۆ بڵاو بوونی دەنگی کورد بە نەوەی نوێشەوە بۆیە بەهیوام هێزەکوردیەکان زۆر بەوریای مامەڵە لەگەڵ ناوچە کێشە لەسەرەکان بکەن.