دهۆك؛ باندێكی دزینی نەوت دەستگیركران

75 جار خوێندراوەتەوە کات12:36 بەروار08-10-2019
دهۆك؛ باندێكی دزینی نەوت دەستگیركران

راچڵەكین-

لەسەر رێگای نێودەوڵەتی قەزای سیمێل- زاخۆ، لەلایەن هێزە ئەمنییەكانەوە، باندێكی دزینی نەوتی هەرێمی كوردستان دەستگیركران.

 5 كەس بەتۆمەتی دزینی نەوت لەبۆری سەرەكی نەوتی هەرێمی كوردستان و بەقاچاخ فرۆشتنی، دەستگیركراون.

بەگوێرەی زانیارییەكان، لەکاتی دزیکردن و داگرتنی تانکەری گازدا ئەو باندە دەستگیركراون، کە بە درێژایی زیاتر لە یەک کیلۆمەتر بۆڕی سەرەکی نەوتی هەرێمی کوردستان - تورکیایان کونکردبوو و بەنیازبوون بە قاچاخ نەوتەکە بدزن و بیفرۆشن.

 

ئەمە دووەم حاڵەتی "دزینی نەوت"ـە لە سنووری پارێزگای دهۆک ئاشکرادەکرێت، ساڵی رابردووش لەسەر کونکردنی بۆڕی نەوتی کێڵگەکانی نەوتی قەزای شێخان، کە بۆڕی سەرەکی نەوتی هەرێمی کوردستان - تورکیای پێدا دەڕوات چەند کەسێک دەستگیرکران.