هەولێر؛ پاڵەوانیەتی تێنسی سەرزەوی كراوەی ئەندازیار "كەمال عەبدوڵا" كۆتایی هات

206 جار خوێندراوەتەوە کات11:32 بەروار09-10-2019
هەولێر؛ پاڵەوانیەتی تێنسی سەرزەوی كراوەی ئەندازیار

راچڵەكین ـ 

لە شاری هەولێر و لەسەر یاریگاكانی یەكێتی تێنسی سەرزەوی هەولێر، پێنجەمین پاڵەوانیەتیی تێنسی سەرزەوی ئەندازیار كەمال عەبدوڵا سەركەوتووانە كۆتایی هات.

پاڵەوانێتییەكە بۆ ماوەی 10 رۆژ بەچاودێری لیژنەی ئۆڵۆمپی هەرێمی كوردستان و سەرپەرشتی یەكێتی تێنسی سەرزەوی هەولێر ئەنجامدرا، سەرجەم خەرجیەكانی پاڵەوانیەتیەكەش لەلایەن ئەندازیار (كەمال) دابین كرابوو.

لەدوا ڕۆژی ڕكابەرییەكانی پاڵەوانێتییەكە، نزیكەی 100 یاریزان لە پێنج ئاستی جیاواز بەشداریان كردبوو، دوای ركابەریەكی بەهێز و پیشاندانی ئاستێكی بەرزی یاری تێنسی سەرزەویئەنجامی كۆتایی سەرجەم ئاستەكانی پاڵەوانیەتیەكە بەمشێوەیەبوو:

ئاستی 10 ساڵان:

(داهێن زەردەشت ـ هانا ئەڤدەل) ـ (2 – 0) گێم بۆ داهێن.

ئاستی 14 ساڵان:

(محەممەد نیهاد ـ ئاكام دلزار) ـ (2 – 0) گێم بۆ محەممەد).

ئاستی پێشكەوتووان:

(داریان عەبدولقەهار ـ محەممەد ئەبووزید) ـ (2 – 1) گێم بۆ داریان.

ئاستی بەتەمەنەكان (دێرینەكان):

(ناسر عەبدولرەزاق – وریا عەبدولقادر) ـ (2 ـ 1) گێم بۆ ناسڕ.

ئاستی جووتی دێرینەكان:

(وریا عەبدولقادر و بەسام محەممەد) ـ (شێروان ڕەئووف و رێبین كەیفی) ـ (2 ـ 0) گێم بۆ وریا و بەسام.

فۆتۆ/ ئومێد ئیبراهیم