ئەردۆغان: ئەگەر ئەوروپا بەردەوام بێت لە تۆمەتباركردنمان بە" داگیركاری" ئەوا كۆچبەرانیان بۆ ڕەوانە دەكەین

211 جار خوێندراوەتەوە کات01:44 بەروار10-10-2019
ئەردۆغان: ئەگەر ئەوروپا بەردەوام بێت لە تۆمەتباركردنمان بە

راچڵەكین-

سەرۆككۆماری توركیا دەڵێت، ئێمە هێزی ژمارە پێنجین لە ناتۆو پێویستە وڵاتانی ئەوروپا یارمەتیمان بدەن. دەشڵێت ئەگەر ئەوروپا بەردەوام بن لە تۆمەتباركردنمان بە داگیركاری، ئەوا ئێمە دەرگا بۆ كۆچبەران دەكەینەوە و بۆیان ڕەوانە دەكەین.

رەجەب تەیب ئەردۆغان، لە كۆبوونەوەیەكی حیزبەكەیدا (ئاك پارتی) لە ئیستەنبووڵ، باسی لەشكركێشی سوپای توركیای كرد لە رۆژئاوای كوردستان كرد و رایگەیاند:" ئۆپەراسیۆنەكە بۆ ئاشتیی و نەهێشتنی هەڕەشەیە بۆسەر وڵاتەكەی، ئەوان كێشەیان لەگەڵ كورد نییە بەڵكو لەگەڵ گروپێكی "تیرۆریستییە."

وتیشی:"چەكداران لە ڕۆژهەڵاتی فوڕات لەنێودەبەین و ئۆپەراسیۆنەكانمان داگیركاری نین، لە حاڵی بێدەنگنەبوونی ئەوروپاییەكاندا كۆچبەرەكانیان بۆ دەنێرین."

ئەردۆغان ووتی:" ئامۆژگاری لە سعودیە وەرناگرین كە تۆمەتبارە بە كوشتنی سەدان كەس و پێویستە سعودیە لێپرسینەوە لەوانە بكات كە خەڵكی سڤیلی یەمەن دەكوژن."