هۆكاری‌ كوشتنی ئامانج بابانى و هاوسه‌ر و منداڵه‌كه‌ی بڵاوكرایه‌وه‌

72774 جار خوێندراوەتەوە کات11:50 بەروار16-10-2019
هۆكاری‌ كوشتنی ئامانج بابانى و هاوسه‌ر و منداڵه‌كه‌ی بڵاوكرایه‌وه‌

راچڵەكین-

سەرچاوەیەكی ئەمنی لە شاری‌ سلێمانی‌ رایگەیاند، ئامانج بابانی پێشكەشكاری‌ كەناڵی ئێن ئاڕ تی، خۆی هاوسەر و منداڵەكەی كوشتووە و دواتر خۆشی كوشتووە.

ئەو سەرچاوەیە راشیگەیاندووە، هۆكاری‌ رووداوەكە بەهۆی‌ كێشەی خێزانییەوە بووە.

هاوكات سەرچاوەیەك لەبەڕێوەبەری ئاسایشی سلێمانی رایگەیاند: رووداوی گیان لەدەستدانی هەردوو رۆژنامەنووس و منداڵەكەیان خۆكوژییە

لەلایەن خۆشییەوە،بەڕێوەبەرایەتی پۆلیسی پارێزگای سلێمانی لە روونكردنەوەیەكدا بڵاویكردووەتەوە:" بەداخەوە ئەمشەو ڕوداوێكی دڵتەزێن لەبەرامبەر تەرمیناڵی شارەزور لەشاری سلێمانی ڕویداو بووە ھۆی گیانلەدەستدانی سێ كەس بەناوەكانی (ئامانج محمد نوری لەدایكبوی ١٩٧٩،  لانە محمد ساڵح لەدایكبوی ١٩٩٠، ھامۆ ئامانج محمد تەمەن سێ ساڵ )."

پۆلیسی سلێمانی دەشڵێت:" لێرەوە بۆ ڕای گشتی ڕایدەگەیەنین كە بەپێی لێكۆڵینەوەكانی ھێزەكانی پۆلیس، ڕوداوەكە خۆكوژیی بووەو سبەینێ وردەكاریی ڕوداوەكە بۆڕای گشتی بڵاودەكەینەوە."