بۆچی یادی لەدایكبوونی پێغەمبەر دەكرێتەوە؟

73 جار خوێندراوەتەوە کات12:54 بەروار08-11-2019
بۆچی یادی لەدایكبوونی پێغەمبەر دەكرێتەوە؟

راچڵەكین ـ

یەكێتی زانایان لە ڕوونكردنەوەكەدا،  ئاماژەی بەوەكردووە، بۆیە یادی دەكەین، چونكە وەك موسڵمان شانازی پێوە دەكەین‌ و بووە ڕۆژی لەدایكبوونی مافی مرۆڤ و دادگەری ‌و یەكسانی ‌و ڕەحمەت ‌و هیدایەت بۆ جیهان.

ئاماژەی بەوەشكردووە، لەدایكبوونی پێغەمبەر (د. خ) بەو هەموو گەورەییە، بەو هەموو پەیام ‌و چەمكە جوانە، نەك تەنها جیهانی ئیسلامی ‌و موسڵمانانی شكۆمەند كردووە، بەڵكو سەرنجی گەورە زانا و فەیلەسوفانی دونیای بەدوای خۆیدا ڕاكێشاوە، ئەوەتا كەسانی وەك (غاندی‌ و غوستاف ‌و كارلیل ‌و لامارتین ‌و ول دیورانت ‌و جۆرج ویلز و مایكل هارد و هرقل‌ و تولستوی‌ و برنادشۆ) بە سەرسامیەوە ناوی دێنن‌ و دان بەو ڕاستیە دەنێن، كە دونیا پێویستی بە كەسێكی گەورە و پێشەنگی وەك (محمد)ە، تەنانەت مایكل هارت لە توێژینەوەیەكی تایبەت بە 100 كەسە یەكەم ‌و كاریگەرەكانی مێژووی مرۆڤایەتی بۆی دەركەوت، كە (محمد) یەكەمین كەسە لە دونیا و گەورەترین كاریگەری ناوەتەوە‌ و ئێستاش بۆ چارەسەری گرفتەكانی ژیان دونیا پێویستی بە (محمد)ە.

دەقی روونكردنەوەكەی یەكێتی زانایان:
خوای گەورە لەقورئانی پیرۆز دەفەرموێت: (قُلْ بِفَچْلِ اللَّهِ ۆبِرَحْمَتِهِ فَبِژَلِكَ فَلْێفْرَحُوا هُۆ خَیْرٌ مِمَّا ێجْمَعُونَ) یونس: 58.. ئیبن‌و عەباس دەڵێت: مەبەست لە فەزڵی خوا عیلمە ‌و رەحمەتی خواش پێغەمبەرە.

لەدایكبوونی پێغەمبەر (درودی خوای لەسەر بێت) یادەوەری‌و بۆنەیەكی تایبەتمەندو گەورەیە، ساڵانە كۆمەڵێك یادگاری‌و هەڵوێست‌و پەیام‌و وانەی گرنگمان دێنێتەوە یاد، لەبەر فەزیلەت‌و پێگە‌و چاكە‌و خەمخۆری‌و هەموو ئەو بەها ئیمانی‌و ئینسانیانەی پێغەمبەر پێشكەشی كرد، هەست بەخۆشی‌و خۆشەویستیەكی زۆر دەكەین‌و پاداشتی چاكەی ئەومان پێ‌ نادرێتەوە، بۆیە وەك پابەندیەك بەفەرمانی خواو زەرورەتی پێویستیمان بە پێغەمبەرو پەیامەكەی لەلایەك‌و، فەزڵەكانی بەسەرمانەوە لەلایەكی تر یادی دەكەینەوە.

نیعمەتی ناردنی ئەو خۆشەویستە ئەوەندە گەورەو ناوازەیە بۆ مرۆڤایەتی، تا ئەو ئاستەی خوا وەك منەت‌و نیعمەتیش لەهەمان كات باسی دەكا‌و دەفەرموێ‌: (ڵقَدْ مَنَّ اللَّهُ عَڵی الْمُۆْمِنِینَ إِژْ بَعَپَ فِیهِمْ رَسُولًا مِنْ أَنْفُسِهِمْ ێتْلُو عَڵیْهِمْ ێ‌َێاتِهِ ۆیُزَكِّیهِمْ ۆیُعَلِّمُهُمُ الْكِتَابَ ۆالْحِكْمَەَ ۆإِنْ كَانُوا مِنْ قَبْلُ ڵفِی چَڵالٍ مُبِین) ێ‌ل عمران: 164. یان دەفەرموێ‌: (هُۆ الَّژِی بَعَپَ فِی الْأُمِّیِّینَ رَسُولًا مِنْهُمْ ێتْلُو عَڵیْهِمْ ێ‌َێاتِهِ ۆیُزَكِّیهِمْ ۆیُعَلِّمُهُمُ الْكِتَابَ ۆالْحِكْمَەَ ۆإِنْ كَانُوا مِنْ قَبْلُ ڵفِی چَڵالٍ مُبِینٍ)الجمعە:2.

ئەم یادە بۆیە دەكەینەوە چونكە خودی پێغەمبەر (درودی خوای لەسەر بێت) باسی كردووەو ناوی هێناوە، وەك دەفەرموێت: (عَنْ أَبِی قَتَادَەَ -رچی الله عنه– قَاڵ: سُئِڵ رَسُولُ اللهِ -صلی الله علیه وسلم- عَنْ صَوْمِ ێوْمِ الِاپْنَیْنِ؟ قَاڵ: “ژَاكَ ێوْمٌ وُلِدْتُ فِیهِ، ۆێوْمٌ بُعِپْتُ – أَوْ أُنْزِڵ عَڵیَّ فِیهِ) رواه مسلم.

هاتن‌و لەدایكبوونی پێغەمبەر(د.خ) بەو تایبەتمەندی‌و پەیامە ئاسمانیە، نیشانەی ئەو پەڕی بایەخدانی خوای گەورەیە بەمرۆڤایەتی‌و جیهان، بۆ ئەوەی بەها جوانەكانی ئیسلام‌و ئینسانیەت لەزەوی بڵاو بێتەوە.

بۆیە یادی دەكەین چونكە وەك موسڵمان شانازی پێوە دەكەین‌و تاجی سەرو نوری چاو و ئارامی دڵ‌و دەروونە، چونكە ئیمان بەبێ ئەو ئیمانێكی نوقسانەو لای خودا وەرگیراو نیە، وەك لە فەرمودە هاتووە: (ڵا یُۆْمِنُ أَحَدُكُمْ حَتَّی أَكُونَ أَحَبَّ إِڵیْهِ مِنْ ۆڵدِهِ ۆۆالِدِهِ ۆالنَّاسِ أَجْمَعِینَ) رواه البخاری.

یادی دەكەین چونكە بە لەدایكبوونی ئەو خۆشەویستە قەڵای زۆرداری ڕماو، ئاگری ئاگرپەرستان كوژایەوەو كورسی زاڵمان هاتە لەرزین‌و، بووە ڕۆژی لەدایكبوونی مافی مرۆڤ و دادگەری‌و یەكسانی‌و ڕەحمەت‌و هیدایەت بۆ جیهان (ۆمَا أَرْسَلْنَاكَ إِلَّا رَحْمَەً لِلْعَاڵمِینَ) اڵانبیا‌و: 107. وە دەفەرموێت: (قَدْ جَا‌وَكُمْ مِنَ اللَّهِ نُورٌ ۆكِتَابٌ مُبِینٌ) المائدە: 15. نوورەكە پێغەمبەرو فەرمودە شیرنەكانیەتی، كیتابەكەش قورئانە.

لەدایكبوونی پێغەمبەر (درودی خوای لەسەر بێت) بەو هەموو گەورەییە، بەو هەموو پەیام‌و چەمكە جوانە، نەك تەنها جیهانی ئیسلامی‌و موسڵمانانی شكۆمەند كردووە، بەڵكو سەرنجی گەورە زاناو فەیلەسوفانی دونیای بەدوای خۆیدا راكێشاوە، ئەوەتا كەسانی وەك (غاندی‌و غوستاف‌و كارلیل‌و لامارتین‌و ول دیورانت‌و جۆرج ویلزو مایكل هاردو هرقل‌و تولستوی‌و برنادشۆ) بە سەرسامیەوە ناوی دێنن‌و دان بەو راستەیە دەنێنن كە دونیا پێویستی بە كەسێكی گەورەو پێشەنگی وەك (محمد)ە، تەنانەت مایكل هارت لە توێژینەوەیەكی تایبەت بە سەد كەسە یەكەم‌و كاریگەرەكانی مێژووی مرۆڤایەتی بۆی دەركەوت، كە (محمد) یەكەمین كەسە لە دونیاو گەورەترین كاریگەری ناوەتەوە‌و ئێستاش بۆ چارەسەری گرفتەكانی ژیان دونیا پێویستی بە (محمد)ە!.

لەدایكبوونی پێغەمبەر (درودی خوای لەسەر بێت) واتە تازەبوونەوەی ژیان، داڕشتنەوەی مرۆڤایەتی، زیندوبوونەوەی ویژدان، بەرپا بوونی عەدالەت‌و یەكسانی، گێڕانەوەی كەڕامەتی ئینسان، تەزكیەی نەفس، لادانی نەریتە خراپ‌و كارە نەشیاوەكان، هێنانەوەی بەهاو رەوشتە بەرزەكان، مامەڵەكردنی دروست لەگەڵ یەكترو، لەبەرامبەر غەیرە دین‌و تەنانەت ئاژەڵ‌و ژینگەدا، نەهێشتنی ستەم‌و نادادی‌و بازرگانی كردن بە مرۆڤ، وشككردنی هزری توندڕەوی‌و شەڕو نەهامەتی‌و داگیركاری‌و قۆرخكاری لەكایەكانی ژیاندا.

بۆیە ئەم یادە پڕ شكۆیە ئەوەمان لێ‌ دەخوازێت:

یەكەم: شوێن ئەو پێغەمبەرە بكەوین لەتەواوی ژیانداو، دونیامان بڕازێنینەوە بەو پەیامەی كە هێناویەتی، خوای گەورە دەفەرموێ‌: (قُلْ إِنْ كُنْتُمْ تُحِبُّونَ اللَّهَ فَاتَّبِعُونِی یُحْبِبْكُمُ اللَّهُ ۆێغْفِرْ ڵكُمْ ژُنُوبَكُمْ) ێ‌ل عمران:  31.

دووەم: بەگەورە ناسین‌و بەگەورە زانینی فەرمودەكانی‌و سوننەتی‌و ئە‌و شتانەی قەدەغەیكردوە، نەیهێنینە ئاستی كەسی ترو ئەو ڕێزو مەقام‌و گەورەییە بۆ كەسی تر بڕیار نەدەین، خوای گەورە دەفەرموێ: (فَالَّژِینَ ێ‌َمَنُوا بِهِ ۆعَزَّرُوهُ ۆنَصَرُوهُ ۆاتَّبَعُوا النُّورَ الَّژِی أُنْزِڵ مَعَهُ أُوڵئِكَ هُمُ الْمُفْلِحُونَ)اڵاعراف: 157. وەك چۆن سەحابە بە گەورەیان زانیوە ئێمەش وابین، هەر بۆیە موشریكەكان دەیان ووت: “مارٲیت ٲصحاب ملك یعڤمون ملكهم كتعڤیم ٲصحاب محمد محمدا”.

سێیەم: پێغەمبەر بكەینە مامۆستاو پێشەنگمان لەتەواوی بوارەكانی ژیاندا، چونكە بەرزترین نمونەی پێشەنگی‌و سەرفرازی لەودا دەستدەكەوێت، وەك خوای گەورە دەفەر‌موێ: (ڵقَدْ كَانَ ڵكُمْ فِی رَسُولِ اللَّهِ أُسْۆەٌ حَسَنَەٌ لِمَنْ كَانَ ێرْجُو اللَّهَ ۆالْێوْمَ الْێ‌َخِرَ ۆژَكَرَ اللَّهَ كَپِیرًا)اڵاحزاب: 21. هەروەها پێغەمبەر (درودی خوای لەسەر بێت) خۆیشی دەفەرموێ: (أَیُّهَا النَّاسُ إِنَّمَا أَنَا رَحْمَەٌ مُهْدَاەٌ). جوانترین‌و بێ هەڵەترین‌و شایستەترین كەسێك كە چاوی لێ بكەین‌و، بەڕێگای هەڵەدا نەمان بات‌و كامەرانی هەردوو دنیامان دەست بكەوێت، تەنهاو تەنها پێغەمبەری خوایە (د.خ).

كەواتە ناكرێ‌ تەنها بەدروشم‌و رووكەشی ئەو یادە بكەینەوە، بەڵكو دەبێ‌ بە نوێكردنەوەی پەیمان‌و دەربڕینی خۆشەویستی‌و جێبەجێ‌ كردنی سوننەت‌و پەیڕەوكردنی فەرمایشتەكانی‌و زۆر سەڵاواتدان‌و گرتنەبەری رێبازەكەی ئەو یادە بە گەورە بگرین، ئەوەمان بۆ خەڵكی پێخۆش بێت كە چاكەو خێری تێدایە، دڵەكانمان خاوێن كەینەوە لە رق‌و كینەو حەسادەت‌و دوژمنكاری‌و یەكتر نەویستن، وە ئیقتیدا بەسیرەی پاك‌و رەوشتی بەرزی پێغەمبەرمان بكەین.

دەی ئەگەر ساڵانە بەكردەوەو پابەندی نواندن لەگەڵ هاتنەوەی مانگی مەولوود بگەڕێینەوە سەر رێبازو رەوشتە بەرزەكانی پێغەمبەر (د.خ) ئەوە دونیا بە شێوازێكی تر دەگۆڕێت، ئێمە پێویستیمان بە پیاهەڵگوتن‌و دروشم‌و قسەی باق‌و بریق نیە، بەڵكو پێویستیمان بەوەیە هەر كەس لەئاست‌و پێگەی خۆی گۆڕانكاری بكات، بۆ ئەوەی ئینسانیەت‌و ویژدان‌و چەمكە ئیمانیەكان بگێڕینەوە نێو ژیانمان، چونكە ئێستا جیهان‌و بگرە ئێمەمانان وەك موسڵمان پێویستمان بە پێغەمبەرە (د.خ) بۆ ژیانێكی سەرفراو بەختەوەر لەدونیا‌و وەدەستهێنانی شەفاعەت لە قیامەتدا.