گه‌نجێكی كورد له‌لایه‌ن كاروانێكی سه‌ربازی توركیاوه‌ شةهيد كرا

82 جار خوێندراوەتەوە کات04:48 بەروار08-11-2019
گه‌نجێكی كورد له‌لایه‌ن كاروانێكی سه‌ربازی توركیاوه‌ شةهيد كرا

راچڵه‌كین

له‌كاتی‌ تێپه‌ڕینی كاروانێكی سه‌ربازی هاوبه‌شی توركیا - روسیا له‌ رۆژئاوای‌ كوردستان، گه‌نجێكی خۆپیشانده‌ر ده‌كه‌وێته‌ ژێر ئۆتۆمبێلێكی سه‌ربازی توركیاوه‌ و گیان له‌ده‌ستده‌دات.

ئه‌مڕۆ هه‌ینی، هاووڵاتیانی نیشته‌جێی دێرك، ئۆتۆمبێله‌ سه‌ربازییه‌كانی توركیا به‌ردباران ده‌كه‌ن، وه‌ك ناڕه‌زایه‌تییه‌ك له‌ دژی هاتنی ئه‌و هێزانه‌ بۆ ناوچه‌كه، له‌ نزیك گوند درنه‌ ئاغا له‌ ناوچه‌كه‌ گركێله‌گێ.

یه‌كێك له‌ خۆپیشانده‌ران به‌ناوی "سه‌رخۆبوون به‌نگین" خۆی به‌ یه‌كێك به‌ ئۆتۆمبێله‌ سه‌ربازییه‌كانی توركیا هه‌ڵده‌واسێت، دواتریش ده‌كه‌وێته‌ خواره‌وه‌ و گیان له‌ده‌ستده‌دات.

به‌ گوێره‌ی گرته‌ ڤیدیۆییه‌كه‌، خۆپیشانده‌ران به‌ په‌له‌ بۆ لای گه‌نجه‌كه‌ ده‌چن كه‌ له‌سه‌ر زه‌وی كه‌وتووه‌.

مسته‌فا بالی، به‌رپرسی راگه‌یاندنی هه‌سه‌ده‌ش رایده‌گه‌یه‌نێت، گه‌نجه‌كه‌ كه‌وتووه‌ته‌ ژێر ئۆتۆمبێلی سه‌ربازی و ئۆتۆمبێله‌كه‌ به‌سه‌ری كه‌وتووه‌.