بەغدا؛ ژمارەیەك خۆپیشاندەر كوژران

88 جار خوێندراوەتەوە کات11:15 بەروار15-11-2019
بەغدا؛ ژمارەیەك خۆپیشاندەر كوژران

راچڵەكین- 

لەبەردەوامی خۆپیشاندانەكانی بەغدای پایتەخت، سێ خۆپیشاندەر لە گۆڕەپانی خەلانی لە ڕووبەڕووبوونەوەیان لەگەڵ هێزە ئەمنییەكان، كوژران.

هاوكات، سەرچاوەكانی هەواڵ رایانگەیاند، ئەمشەو لەئاكامی تەقینەوەی ژمارەیەك بۆمبی دەنگی لە ناوەندی بەغدا، لانی كەم چوار خۆپیشاندەر كوژراون و زیاتر لە 20ی تر برینداربوون.

 

 
لەلایەكی ترەوە، لەپارێزگاری زیقار بۆمبێكی چێنراو لە نزیك باڵەخانەیەك لەناوەندی پارێزگاكە تەقینەوەتەوەو بەهۆیەوە 11 خۆپیشاندەر برینداربوون كە برینی سیانیان سەختە.

ئەو ڕووداوانەش لەكاتێكدا دێن، مەرجەعی باڵای ئایینی شیعەی عێراق هێرشكردنەسەر خۆپیشاندەران و هێزە ئەمنییەكانی رەتكردەوەو خۆپیشاندانەكانیشی بە شەڕی چاكسازی ناوبرد. هەروەها رایگەیاند:" نابێت هیچ لایەنێكی دەرەكی دەستوەردان بكات."