ڤیدیۆ؛ چركەساتی كوشتنی ئەندامێكی پێشووی ئەنجوومەنی پارێزگای بابل

8359 جار خوێندراوەتەوە کات01:21 بەروار23-11-2019
ڤیدیۆ؛ چركەساتی كوشتنی ئەندامێكی پێشووی ئەنجوومەنی پارێزگای بابل

راچڵەكین-

لەگەڵ تێچكوونی بارودۆخی ناوخۆی عیراق، لەهەمان كاتدا كوشتنی كەسایەتییە سیاسی و تەنانەت وەرزشییەكان ووردە ووردە لەوە نزیك دەبێتەوە ببێتە دیاردە، دواهەمینیشیان كوشتنی ئەندامێكی پێشووی ئەنجوومەنی پارێزگای بابل-ە.

بەگوێرەی تۆمارێكی ڤیدیۆیی كەلەڕێی كامێرای چاودیرییەوە تۆمار كراوە، ژمارەیەك چەكدار بە ئۆتۆمبێلێكی جۆری لاندكرۆزەر، دەچنە سەر رێگای ئۆتۆمبێلی شێخ عامر مورشدی، ئەنجامی پێشووی ئەنجوومەنی پارێزگای بابل و دوای ئەوەی لە ئۆتۆمبێلەكەی دێتە خوارەوە، لەلایەن ئەو چەكدارانەوە تەقە لە خۆیی و كوڕەكەی دەكرێت و لەئاكامدا شێخ عامر كوژراوو كوڕەكەی رزگاری دەبێت.

وەك لە تۆمارەكانەوە دەردەكەوێت، چەكدارەكان دوای ئەو كردەیەیان، زۆر بەسانایی لەشوێنی رووداوەكە بەرەو شوێنێكی نادیار هەڵدێن.