سودان؛ عومەر بەشیر بە دوو ساڵ زیندانی سزادرا

71 جار خوێندراوەتەوە کات12:44 بەروار14-12-2019
سودان؛ عومەر بەشیر بە دوو ساڵ زیندانی سزادرا

راچڵەكین-

دادگای باڵای تاوانەكانی سودان، بڕیاری دوو ساڵ زیندانیكردنی بۆ عومەر حەسەن بەشیر-ی سەرۆكی پێشووی دەركرد. هەروەك بڕیاریدا بە دەستبەسەرداگرتنی سەرجەم سامانەكانی.

 


ئەمڕۆ شەممە 14-12-2019 دانیشتنی دادگای باڵای تاوانەكانی سودان بۆ دادگاییكردنی عومەر حەسەن بەشیر، بەتۆمەتی تێوەگلانی لەچەند دۆسێیەكی گەندەڵی دارایی لە خەرتوم-ی پایتەخت دەستیپێكرد.

لەو دانیشتنەدا، دادگای گوێبیستی چەند بەڵگەیەك بوو لەسەر تێوەگلانی بەشیر لەدۆسێی گەندەڵی داراییدا بەتایبەت دۆسێی وەرگرتنی بڕی 25 ملیۆن دۆلار لە محەمەدبن سەلمان-ی جێنشینی سعودیە.

مانگی نیسانی ئەمساڵ، لە كودەتایەكی سەربازیدا، سوپای سودان كۆتایی بە 30 ساڵ فەڕمانڕەوایی عومەر حەسەن بەشیر هێناو دەستبەجێ لەژیر مانەوەی زۆرە ملێدا دانرا.