تەندروستی هەرێم: لێپرسینەوە لەگەڵ ئەو كۆمپانیای دەرمانانە دەست پێدەكات كە پابەندی جێبەجێكردنی مەرجەكان نین

65 جار خوێندراوەتەوە کات02:04 بەروار14-12-2019
تەندروستی هەرێم: لێپرسینەوە لەگەڵ ئەو كۆمپانیای دەرمانانە دەست پێدەكات كە پابەندی جێبەجێكردنی مەرجەكان نین

راچڵەكین- 

وتەبێژی وازەرەتەكەش دەڵێ، لە دوای سەری ساڵ، لێپرسینەوە لەگەڵ ئەو كۆمپانیای دەرمانانە دەست پێدەكات، كە پابەندی جێبەجێكردنی مەرجەكانی حكوومەت نین.

دكتۆر محەمەد قادر، رایگەیاند:" كار بۆ دامەزراندنی دەزگای خۆراك و دەرمان دەكرێت و وەزارەتی تەندروستی وەك بەشێكی كاریگەر لەو دامەزراوەیە، رۆڵی خۆی دەبێت، بەردەوامیش لیژنەكان لە بازاڕ چاودێریی رەوشی دەرمان دەكەن، لە رووی دانانی نرخ و كوالێتی دەرمان و چۆنیەتیی گواستنەوە و كۆگاكردنی دەرمان و لیژنەكانی وەزارەتیش سەرقاڵی كارەكانیانن، دواھۆشدارییش دراوەتە كۆمپانیاكانی تایبەت بە دەرمان، كە تا كۆتایی ئەم مانگە پابەندی رێنماییەكان نەبن، سزا دەدرێن".

وتەبێژی وەزارەتی تەندروستی دەشڵێت: "ھەر كۆمانپایەكی دەرمان پابەندی بڕیار و رێنماییەكانی حكوومەت نەبێت، ئەو كۆمپانیایە دادەخرێت، لە ماوەی یەك مانگیشدا واتە تا كۆتایی ئەم مانگە، پێویستە كۆمپانیاكانی دەرمان پابەندی جێبەجێكردنی ھەموو ئەو مەرجانە بن كە حكوومەت بۆیانی داناوە". وەك ماڵپەری فەرمی پارتی بڵاویكردووەتەوە.

دكتۆر محەمەد قادر ئاماژەی بۆ ئەوەشكرد: "لە ھەرێمی كوردستان ٢٨٠ كۆمپانیای تایبەت بە دەرمان و پێداویستیی پزیشكی ھەن و ژمارەیەك كۆمپانیاش بە ھۆی سەرپێچییەوە سزا دراون، بەڵام ئامارەكان لای كۆالێتی كۆنتڕۆڵی دەرمانن، چونكە سزادانی كۆمپانیا ھەر داخستن و گرتن نییە، بەڵكوو كەیسیان بۆ دەكرێتەوە و بەپێی سەرپێچی سزایان بۆ دیاری دەكرێت".