عەبدوڵای مەلانوری لەبارەی قسە وتنی بە نەوشیروان مستەفا روونكردنەوە دەدات

4503 جار خوێندراوەتەوە کات03:09 بەروار14-12-2019
عەبدوڵای مەلانوری لەبارەی قسە وتنی بە نەوشیروان مستەفا روونكردنەوە دەدات

راچڵەكین-

عەبدوڵانی مەلانوری، پەرلەمانتاری پێشووتری گۆڕان لەبارەی دەنگۆی قسەووتنی بە ( نەوشیروان مستەفا) رێكخەری پێشووی بزووتنەوەی گۆڕان روونكردنەوەیەك بڵاودەكاتەوە.

عەبدوڵا مەلانوری، لەو روونكردنەوەیەكدا كەئەمڕۆ شەممە 14-12-2019 بڵاویكردووتەوە دەڵێت:" هەر بیروبۆچونێكم هەبێت سور دەبم لەسەری و شانازییان پێوەدەكەم و بەبێ سڵەمینەوە دەریاندەبڕم.بەڵام هەرگیز شتێك لەچوارچێوەی ئەخلاق و قەناعەتی خۆمدا نەبێت تەعبیر لەمن ناكات."

دەشڵێت:" لەسەر هەر بابەت و كەسێك بۆچوون و ڕەخنەیەكم هەبوبێت بەئاشكرا و بێ پێچوپەنا گوتومە."

دەقی روونكردنەوەكە:  

بەڕێزان سڵاو ..

لەماوەی چەند ساڵی ڕابردوودا هەموومان لە بزوتنەوەی گۆڕاندا كارمانكردووە و هەر كەسە بەپێی توانای خۆی وزەی بە گۆڕان بەخشیوە. لەو ماوەیەدا من وەك عەبدوڵای مەلانوری لەسەر هەر بابەت و كەسێك بۆچوون و ڕەخنەیەكم هەبوبێت بەئاشكرا و بێ پێچوپەنا گوتومە، لەئێستاشدا كە بەشێك نیم لەو پرۆژەیە، هەر بیروبۆچونێكم هەبێت سور دەبم لەسەری و شانازییان پێوەدەكەم و بەبێ سڵەمینەوە دەریاندەبڕم. بەڵام هەرگیز شتێك لەچوارچێوەی ئەخلاق و قەناعەتی خۆمدا نەبێت تەعبیر لەمن ناكات.

بەداخەوە بەردەوام هەندێ خەڵك لەپێناو خۆبردنەپێش و قووڵكردنەوەی قین و ناكۆكییەكاندا، ئیشییان بووەتە هۆنینەوەی بوختان و درۆ بۆ ئێمە. كەسێك بەناوی مەجیدساڵح جێی ئەسەفە وەك پیشەی هەمیشەیی بەپێچەوانەی ناوەكەی خۆیەوە ڕفتاری كردوەو درۆیەكی بێئابڕووانەی بۆ من هەڵبەستووە و نامەی بۆ خەڵك ناردووە، گوایە من قسەی ناشیرینم بە كاك نەوشیروان وتبێت، كە ئەو قسانە بە شاهیدی هەموو ئەو برادەرانەی ناوی هێناون من نەمكردوون و ئەسڵەن دورونزیك بابەتێكی لەو جۆرە جێی باس نەبووە.

ئەم قسانەم تەنیا بۆ ڕاستكردنەوەی درۆیەكە و هیچی تر.

وا لە خوارەوە نامەی شایەتی بەڕێزان:

مامۆستا عەبدولڕەحمان عەلی، دكتۆر شێركۆحەمەئەمین، دكتۆر سەروەرعەبدولڕەحمان، كاك یاسین تەها و پەیمان عزەدین هاوپێچ دەكەم، كە شاهیدی ئەوەدەدەن مەجید پوختانێكی گەورەی كردوە...
لەگەڵ ڕێزمدا
عەبدوڵای مەلا نوری

 

Image may contain: 1 person, text

Image may contain: text

Image may contain: text

No photo description available.

Image may contain: text

Image may contain: 1 person, text