راچڵەكین
بەبۆنەی كۆچی دوایی تێكۆشەری دێرین جەلیل گادانی، كۆسرەت رەسوڵ عەلی سەرۆكی ئەنجومەنی باڵای سیاسی و بەرژەوەندی یەكێتیی نیشتمانیی كوردستان، لە پرسەنامەیەكدا كە ئاراستەی خانەوادەو بنەماڵەكەی كردووە، نیگەرانی خۆی بە گیانلەدەستدانی ئەو تێكۆشەرە دەربڕیوە كە حەوت دەیەی لە ژیانی خۆی بۆ خەبات و تێكۆشان لەپێناوی میللەتەكەی تەرخانكرد.
دەقی پرسەنامەكە:
بەڕێزان: خانەوادەو بنەماڵەی مامۆستا جەلیل گادانی تێكۆشەر
بەداخێكی زۆرەوە هەواڵی كۆچی دوایی تێكۆشەرو سیاسەتمەدارو نیشتمانپەروەری كورد مامۆستا جەلیل گادانی-م بیست، ئەو تێكۆشەرەی حەوت دەیە لەژیانی خۆی تەرخانكرد بۆ خەبات و تێكۆشان لەپێناوی میللەتەكەی، بەداخەوە ئەمڕۆ بە نەخۆشی كۆچی دوایی كرد.
بۆ خەمی لەدەستدانی ئەم كەڵە پیاوە هاوخەمی قووڵی خۆم دەردەبڕم، هیواخوازم خوای گەورە سەبووری هەموومان بدات و كۆچكردوو بەر دلۆڤانی و ڕەحمەتی خۆی بخات.
كۆسرەت ڕەسول عەلی
سەرۆكی ئەنجومەنی باڵای سیاسی و بەرژەوەندی
یەكێتیی نیشتمانیی كوردستان