وەفدەكە پرسی موچەو بودجەی پێشمەرگە لەگەڵ بەغدا یەكلایی دەكاتەوە
راچڵەكین
سبەینێ 24-2-2020 وەفدێكی باڵای وەزارەتی پێشمەرگە سەردانی بەغدا دەكات و لەگەڵ وەیزری بەرگری عێراق كۆدەبێتەوە، بەرپرسێكی وەزارەتەكەش ئامانجی سەردانەكە ئاشكرادەكات، كە بۆ موچە و بودجەی پێشمەرگەو هەماهەنگییە لەگەڵ سوپای عێراق.
جەبار یاوەر، ئەمینداری گشتی وەزارەتی پێشمەرگە رایگەیاند، وەفدەكە بە سەرۆكایەتی شۆڕش ئیسماعیل وەزیری پێشمەرگە دەچێتە بەغداو لەگەڵ وەزیری بەرگری و بەرپرسانی باڵای وەزارەتەكە كۆدەبێتەوە.
وتیشی:" ئامانج لەسەردانی وەفدەكەی پێشمەرگە بۆ بەغدا، گفتوگۆكردنە لەبارەی موچەو بودجەی پێشمەرگە و هەروەها هەماهەنگیی نێوان پێشمەرگەو سوپای عێراقە لە ناوچە جێناكۆكەكان.