محەمەد جەواد زەریف وەزیری دەرەوەی ئێران
راچڵەكین
وەزیری دەرەوەی ئێران لەوەڵامی پرسیاری رۆژنامەنوسێك سەبارەت بە دەنگۆی توشبوونی بە ڤایرۆسی كۆرۆنا دەڵێت: سوێند بەخوا تووشی ئەو ڤایرۆسە نەبووم.
محەمەد جەواد زەریف، ئەمڕۆ 23-2-2020 لەكاتی پێشوازیكردنی لە وەزیری دەرەوەی نەمسا، كە بە سەردانێك هاتووەتە تاران، رۆژنامەنوسێك پرسیاری لێدەكات ئایا راستە تووشی ڤایرۆسی كۆرۆنا بوویت، لەوەڵامدا زەریف پێی رادەگەیەنێت: نەخێر، سوێند بە خوا سەلامەتم و دوورم لە كۆرۆناوە.
ماوەی چەند رۆژێكە ڤایرۆسی كۆرۆنا لەچەند شارێكی ئێران بڵاوبووەتەوەو بەگوێرەی ئامارە تەندروستییەكانی ئەو وڵاتە، ژمارەی توشبووانی ئەو ڤایرۆسە گەیشتووەتە 48 كەس و لەو ژمارەیەش 8 كەس گیانیان لەدەستداوە.