راچڵەكین-
بڕیارەلە كۆبوونەوەی ئاسایی رۆژی چوارشەممەی ئەنجومەنی وەزیرانی حكومەتی هەرێمدا، چۆنییەتی دابەشكردنی موچەی مانگی ئاداری فەرمانبەران بڕیاری لەسەر بدرێت.
ئەندامێكی شاندی دانوستانكاری هەرێم لەگەڵ بەغدا رایگەیاند سبەینێ ئەنجومەنی وەزیران كۆدەبێتەوە و گفتوگۆ لەسەر كات و چۆنیەتی دابەشكردنی موچەی مانگی سێ دەكات. وەك میدیاكانی گۆڕان بڵاویانكردووەتەوە.
سەرەتای ئەم هەفتەیە وەزارەتی دارایی داوا لە گەنجینەكان كرد لیستی مووچە بەبڕینی 21% ئامادە بكەن، بەڵام تەنها دوای چەند كاتكۆیەك لەسەر فەرمانی وەزیری دارایی بڕیاردرا ئامادەكردنی لیستی مووچەی مانگی 3 بە لێبڕینەوە ڕابگیرێ، هەتا ئەنجوومەنی وەزیران بڕیاری لەسەر دەدات.
سەبارەت بەسەردانیكردنەوەی بەغدا لەلایەن شاندی دانووستانكاری هەرێم، ووتی:" جارێ سەردانی شاندەكە بۆ بەغدا دیاری نەكراوە و پێ ناچێت لەم هەفتەیەدا ئەو سەردانە ئەنجامبدرێت."
پێشتر وا بڵاوكرابوەوە كە ئەمڕۆ سێ شەممە شاندی هەرێم دەگەڕێتەوە بەغدا و رێكەوتن لەگەڵ حكومەتی عێراق واژوو دەكات.