راچڵەكین -
ئاسایشی سلێمانی دەستگیركردنی چوار تۆمەتبار رادەگەیەنێت، كە سیانیان دانیشتووی وڵاتانی ئەوروپان و تۆمەتبارن بە هەڕەشەكردن لەخەڵك و بازرگانیكردن بە شوێنەوار و ماددەی هۆشبەر.
بەگوێرەی راگەیەنراوێكی بەڕێوەبەرایەتی ئاسایشی سلێمانی، كە ئەمڕۆ 24-9-2020، بڵاوكراوەتەوە، تێیدا هاتووە، هێزەكانیان توانیان لەڕۆژی (10-9-2020 ) لە چالاكییەكدا چوار تۆمەتبار بەفەرمانی دادوەر دەستكیر بكەن بەناوەكانی ( ك،ع،خ لەدایكبوی ساڵی 1981 ڕەگەز كورد دانیشتوی وڵاتی بەریتانیا / س،م،ێ لەدایكبوی 1985 ڕەگەز كورد دانیشتوی وڵاتی بەریتانیا / ب،ێ،ڕ لەدایكبوی 1980 ڕەگەز كورد دانیشتوی وڵاتی بەریتانیا / ز،م،م لەدایكبوی 1976 دانیشتوی سلێمانی).
ئاسایشی سلێمانی ئاشكرایكردووە، تۆمەتبارە دەستگیركراوەكان هەستاون بە هەڕەشەكردن لەخەڵك بەچەكی بێ مۆڵەت و بازرگانیكردن بە شوێنەوارو ماددەی هۆشبەرو برینداركردنی هاووڵاتیان بەچەقۆ و هەڵگرتنی چەكی بێ مۆڵەت.
لە راگەیاندراوەكەدا ئاماژە بەوەشكراوە، سەرجەم تۆمەتبارەكان دانیان بەتاوانەكانیاندا ناوە و رووبەڕوی یاسا كراونەتەوە و لێكۆڵینەوەش لەگەڵیاندا بەردەوامە .