راچڵەكین -
عەدنان عوسمان ئەندامی خانەی راپەراندنی بزوتنەوەی گۆڕان، رەخنەی توند لە ئەنجامدانی ریفراندۆمی هەرێمی كوردستان دەگرێت و بە كارێكی بێ بەرنامەو بێ ئاراستە وەسفی دەكات كە لەكاتێكی هەڵەشدا ئەنجامدرا، دەشڵێت: سەربەخۆیی پێویستی بە ڕیفراندۆم نەبوو.
ئەو بەرپرسە باڵایەی بزووتنەوەی گۆڕان لە جریوەیەكدا لە تۆڕی كۆمەڵایەتی تویتەر نوسیویەتی: لەراستیدا ریفراندۆمی ساڵی ۲٠۱۷، هەم لە كاتێكی هەڵە، هەم بێ بەرنامە و بێ ئاراستە بوو، وردبینیشی تیا نەكرابوو.
ئەندامەكەی خانەی راپەڕاندنی گۆڕان، پرۆسەی ریفراندۆمی سێ ساڵ لەمەوبەری هەرێمی كوردستانی بە هەنگاوێكی بێ پلان وەسفكردووە و لەوبارەیەوە نوسیویەتی، ئێستاش نازانرێت ئەمە بە چ حیكمەت و پلان و بۆ چ مەبەستێك بوو.
عەدنان عوسمان، رەتیشی كردووتەوە ریفراندۆم تاكە ڕێگای گەیشتن بەسەربەخۆیی بێت، لە جریوەكەیدا نوسیویەتی، سەربەخۆیی پێویستی بەریفراندۆم نەبوو، پێویستی بەئیرادەی نوخبەی سیاسی و فەراهەمكردنی پایە راستەقینەكانی دەوڵەتداری بوو.