راچڵەكین –
وەزیری پلاندانانی حكومەتی هەرێمی كوردستان، زانیاری لەبارەی رەشنووسی ریفۆرمی ئابووری بڵاودەكاتەوەو رایدەگەیەنێت: هەنگاوێكی گرنگە بۆ پێشخستنی سێكتەری ئابووری لە هەرێم.
ئەم لێدوانەی د.دارا ڕەشید، لەمیانەی سەرپەرشتیكردنی كۆبوونەوەی ئەنجومەنی بالای وەزارەتی پلاندانان هات، كە ئەمڕۆ 2-3-2021 لەدیوانی وەزارەت لەشاری هەولێر بەڕێوەچوو.
بەگوێرەی راگەیەندراوێكی وەزارەتەكە، كە وێنەیەكی بۆ راچڵەكین نێردراوە، لە كۆبوونەوەكەدا گفتۆگۆ لەبارەی ڕەشنوسی ریفۆرمی ئابووری لەهەرێمی كوردستان كرا، بەتایبەت میكانیزم و كارەكانی داهاتوو بۆ باشتركردنی سێكتەری ئابوری و خستنەڕووی بەرچاوڕوونی بۆ حكومەت لەڕێگەی جێبەجێكردنی ریفۆڕمی ئابوورییەوە.
لەبەشێكی دیكەی كۆبوونەوەكەدا، تاوتوێی ناوەڕۆكی ڕاپۆرتی ریفۆرمی ئابووری كرا، كە وەزارەتی پلاندانان ئامادەی كردووەو لەلایەن ئامادەبووانەوانیشەوە بیروڕا ئالوگۆڕكرا بەمەبەستی دەوڵەمەندكردن و تۆكمەتركردنی ڕەشنوسی ریفۆرمەكە.