خواردنه‌وه‌ی‌ جۆرێك چا له‌ شێرپه‌نجه‌ ده‌تپارێزێت

تەندروستی

15/04/2021     ژمارەی بینراو 331

خواردنه‌وه‌ی‌ جۆرێك چا له‌ شێرپه‌نجه‌ ده‌تپارێزێت


ڕاچڵه‌كین- چراخان ئاسۆ

چای سه‌وز سوودی بۆ ته‌ندروستی زۆره‌ و یه‌كێكه‌ له‌ خواردنه‌وه‌ ناوداره‌كان له‌ جیهاندا، سێ جۆری چا له‌ ڕوه‌كی"كامیلیا سینینسیس" دروست ده‌كرێت له‌وانه‌ش  چای سه‌وز و ڕه‌ش و ئۆلۆنگ .

پۆلیفینۆل پێكهاته‌ی‌ سه‌ره‌كی چایه‌ و چای سه‌وز ده‌وڵه‌مه‌نده‌ به‌ پێكهاته‌ی‌" فلاڤینۆید و فلاڤۆنۆل" كه‌ دژه‌ ئۆكسێنه‌ره‌ و ئه‌گه‌ری توشبوون به‌ نه‌خۆشییه‌كانی پاركنسۆن و زه‌هایمه‌ر و دڵ كه‌مده‌كاته‌وه‌ یارمه‌تی دابه‌زاندنی په‌ستانی خوێن ده‌دات. 

جگه‌ له‌و سوودانه‌ی‌، چای سه‌وز ئه‌گه‌ری توشبوون به‌ چه‌ند جۆرێك شێرپه‌نجه‌ كه‌مده‌كاته‌وه‌ له‌وانه‌ش( شێرپه‌نجه‌ی‌ سییه‌كان و كۆڵۆن و سورێنچك و ده‌م و گه‌ده‌ و ڕیخۆڵه‌ كوێره‌ و گورچیله‌ و په‌نكریاس و مه‌مك) 

كۆمه‌ڵێك ڕێنمای گشتی بۆ ته‌ندروستیت:
جگه‌ له‌ خواردنه‌وه‌ی‌ چای سه‌وز زۆر گرنگه‌ سیستمی خۆراكی ڕۆژانه‌ت هاوسه‌نگ بێت بۆ ئه‌وه‌ی‌ له‌ نه‌خۆشی و گرفته‌ ته‌ندروستیه‌كان دوور بیت.
1- ڕۆژانه‌ 5 پارچه‌ی‌ هه‌مه‌چه‌شنی میوه‌ بخۆ
2-ئه‌و خواردنه‌وانه‌ بخۆره‌وه‌ كه‌ له‌ سۆیا دروستكراون
3-پاقله‌ و ماسی و هێلكه‌ و گۆشت و ئه‌و به‌رهه‌مانه‌ بخۆ كه‌ پرۆتینی تیادایه‌
4-ئه‌و جۆره‌ زه‌یتانه‌ بۆ ئاماده‌كردنی خواردن به‌كاربهێنه‌ كه‌ ناتێرن و زۆر كه‌م زه‌یت بخۆ
5- ئاو زۆر بخۆره‌وه‌ و باشتر وایه‌ ڕۆژانه‌ 6-8 كوپ ئاو بخورێته‌وه‌

داگرتنی ئەپی راچڵەکین بۆ ئەندرۆید

داگرتنی ئەپی راچڵەکین بۆ ئایفۆن