راچڵەكین-
بوومەلەرزەیەك بەگوڕی ٥،٩ پلە، پارێزگای بوشەهرو فارسی باشووری خۆرئاوای ئێرانی هەژاند.
بەپێی ئەو راگەیەنراوەی كە لەلایەن ناوەندی بوومەلەرزەزانی زانكۆی تاران بڵاوكراوەتەوە، بوومەلەرزەكە كە چەقەكەی شارۆچكەی گونەڤە بووە، كاتژمێر ١١:١١ بەكاتی ناوخۆی ئێران روویداوە.
بەگوێرەی ئامارە بەراییەكان لە ئاكامی بوومەلەرزەكە، كەسێك برینداربووە و ژمارەیەك خانوو زیانیان بەركەوتووە.
دوای بوومەلەرزەكە كە لە قوڵایی ١٠ كیلۆمەتر لە ناوچەی روویداوە، حەوت پاشلەرزە كە بەرزترینیان گوڕەكەی ٤،٥ پلە بووە لە هەمان شوێن روویانداوە.