راچڵەکین-

هاتووچۆی سلێمانی شۆفێران لە داخستنی شەقامی سه‌ره‌كی (سلێمانی – هوانه‌) له‌پردی وڵوبه‌وه‌ تاوه‌كو به‌رده‌م بنكه‌ی ئاسایشی شێخ عه‌باس ئاراسته‌ی ده‌رچوون له‌سه‌نته‌ری شار ئاگاداردەکاتەوە.

بەڕێوەبەرایەتی هاتووچۆی سلێمانی لە راگەیەندراوێکدا شۆفێران ئاگاداردەکاتەوە کە سبه‌ینێ دووشه‌ممه‌ (14/6/2021) کاتژمێر 9:00ی بەیانی شه‌قامی سه‌ره‌كی (سلێمانی – هوانه‌) له‌پردی وڵوبه‌وه‌ تاوه‌كو به‌رده‌م بنكه‌ی ئاسایشی شێخ عه‌باس ئاراسته‌ی ده‌رچوون له‌سه‌نته‌ری شار، به‌شێوه‌یه‌كی كاتیی به‌ربه‌ست ده‌كرێت.

هاتووچۆ دەشڵێت، داخستنەکە له‌لایه‌ن تیمه‌كانی سه‌رۆكایه‌تی شاره‌وانی سلێمانییه‌وه‌یە به‌ مه‌به‌ستی نۆژه‌نكردنه‌وه‌ی شه‌قامه‌كه‌.