راچڵەكین-
بۆ تاوتوێكردنی دۆخی ناوچەكوردستانییەكان بە گشتی و كەركوك و شنگال بەتایبەتی، وەزیری هەرێم بۆ دانوستانەكان و نوێنەری هەرێم لەبەغدا، دەچنە پەرلەمانی كوردستان.
سامان ئەحمەد، بەڕێوبەەری راگەیاندنی پەرلەمانی كوردستان لە لیدوانێكدا بۆ راچڵەكین وتی:" سبەینێ دووشەممە هەریەك لە ( خالید شوانی وەزیری هەرێم بۆ دانوستانەكان و فارس عیسا نوێنەری هەرێم لە عیراق) بەشداری كۆبونەوەی لیژنەی ناوچەكوردستانییەكان دەكەن.
وتیشی:" لەو كۆبوونەوەیەدا تاوتوێی دۆخی ناوچەكوردستانییەكان بە گشتی و كەركوك و شنگال بەتایبەتی و ئاسایی كردنەوەی دۆخیان و ئامادەباشی بۆ هەڵبژاردنی داهاتوو، دەكرێت."