راچڵەكین-
بەپێی نوێترین ئامارەكانی ماڵپەڕی "Worldometers" لە جیهاندا زیاتر لە ١٩٦ ملیۆن و ١٤٧ هەزار حاڵەتی توشبوون بە كۆرۆنا تۆماركراوە، لەو ژمارەیەش زیاتر لە چوار ملیۆن و ١٩٦ هەزاریان گیانیان لەدەستداوە.
هاوكات ماڵپەری "Ourworldindata.org" بڵاویكردووەتەوە، تائێستا زیاتر لە سێ ملیارو ٩٧٠ ملیۆن دۆز ڤاكسینی كۆرۆنا لەجیهاندا بەكارهاتووە.
وڵاتی چین بە بەكارهێنانی یەك ملیار و ٥٨٠ ملیۆن دۆز ڤاكسین لە رووی زۆری بەكارهێنانی ڤاكسینەوە لە ریزبەندی یەكەمی جیهاندا دێت، دوای ئەویش هیندستان بە ٤٤٦ ملیۆن و ١٦٠ هەزار لە ریزبەندی دووەم، ئەمریكا بە ٣٤٢ ملیۆن و ٦١٠ هەزار دۆز لە ریزبەندی سێیەم و بەڕازیل بە ١٣٦ ملیۆن و ٥١٠ هەزار لە ریزبەندی چوارەمدادێت.