راچڵەكین-
سەرچاوەیەكی ئەمنی عیراق رایگەیاند، فەرماندەیەكی حەشدی شەعبی و پاسەوانێكی لەهێرشێكی چەكداریدا لەپارێزگای بابل كوژراون.
ئەو سەرچاوە ئەمنییە ئاماژەی بەوەكردووە، ئەمڕۆ دووشەممە، ژمارەیەك چەكداری نەناسراو تەقەیان لە ئەبوسادق خەشخەشی و پاسەوانەكەی كردووە كاتێك لەرێگادا بووە بەرەو كارەكەی لەبابل.
وتیشی:" لەئاكامی هێرشە چەكداریەكەدا خەشخەشی و پاسەوانێكی كوژراون و شۆفێرەكەی برینداربووە."
ئەو سەرچاوە ئەمنییەی عیراق روونیكردەوە، بەهۆی هێرشەكەوە شۆفێری ئۆتۆمبێلەكەی خەشخەشی كۆنترۆڵی لەدەستداوەو ئۆتۆمبێلەكەیان وەرگەڕاوە.
تائێستا حەشدی شەعبی هیچ راگەیەندراوێكی لەبارەی رووداوەكە بڵاونەكردووەتەوە، و هیچ لایەنێكیش بەرپرسیارێتی خۆی لەهێرشەكە رانەگەیاندووە.
