راچڵەكین-
لە ٢٤ كاتژمێری رابردوودا، لە ئێران ٤١١ حاڵەتی گیانلەدەستدان و ٣٧ هەزار و ١٨٩ حاڵەتی نوێی تووشبوون بە پەتای كۆرۆنا تۆماركراوە.
وەزارەتی تەندروستیی ئێران لە راگەیەندراوێكدا ئاماری تووشبوون و گیانلەدەستدانی بە پەتای كۆرۆنا و وەرگرتنی ڤاكسینی كۆرۆنای بڵاوكردەوە.
لە راگەیەندراوەكەدا باس لەوە كراوە كە لە ٢٤ كاتژمێری رابردوودا، ٣٧ هەزار و ١٨٩ حاڵەتی نوێی تووشبوون بە پەتای كۆرۆنا تۆماركراوە، لەوانەش چوار هەزار و ٣١٧ تووشبوویان لە نەخۆشخانە خەوێندراون.
هەروەها لە راگەیەندراوەكەدا باس لەوە كراوە كە ژمارەی تووشبووانی پەتای كۆرۆنا لەسەرانسەری وڵاتدا گەیشتووەتە، سێ ملیۆن و ٩٤٠ هەزار و ٧٠٨ كەس، ٤١١ كەسی دیكەش گیانیان لەدەستداوە و ژمارەی ئەو كەسانەی بەو پەتایە گیانیان لەدەستداوە بەرزبووەتەوە بۆ ٩١ هەزار و ٤٠٧ كەس.
رەوشی تەندروستی پێنج هەزار و ٦٠٧ كەس ناجێگیرە و لە یەكەی چاودێری چڕدان و تا ئێستا، سێ ملیۆن و ٤٠٤ هەزار و ٥٣٣ تووشبووش چاكبوونەتەوه.
هەروەها تا ئەمڕۆ بە تێكڕایی ٢٦ ملیۆن و ٣٩ هەزار و ٤٥٠ پشكنین ئەنجامدراون.
لە ئێران كە ژمارەی دانیشتوانەكەی نزیكەی ٨٣ ملیۆن كەسە، تا ئێستا دۆزی یەكەمی ڤاكسینی كۆرۆنا بۆ ١٠ ملیۆن و ٢٨٥ هەزار و ٤٩٤ كەس و دۆزی دووەمی ڤاكسینەكەیش بۆ دوو ملیۆن و ٧٩٥ هەزار و ٦٨٠ كەس بەكارهێندراوە.
یەكەم حاڵەتی تووشبوون بە ڤایرۆسی كۆرۆنای نوێ لە ئێران لە ١٩ی شوباتی ٢٠٢٠ لە شاری قوم تۆمار كرا.