راچڵەكین –
لەناحیەی خورماڵ-ی سەر بە پارێزگای هەڵەبجە، بەهۆی وەرگەڕانی تراكتۆرێكەوە دوو كەس گیانیان لەدەستدا.
موقەدم بەرزان عوسمان محەمەد، وتەبێژی بەڕێوەبەرایەتی پۆلیسی پارێزگای هەڵەبجە، رایگەیاند: رووداوەكە كاتژمێر 8ی ئەمشەو لە نزیك گەڕاوی ناحیەی خورماڵ روویداوە، دوو هاووڵاتی بەناوەكانی ئەبوبەكر فەتاح هەیاس و ئەبوبكر حەمەعەلی عەبدولقادر، بەهۆی وەرگەڕانی تراكتۆرەكەیان گیانیان لەدەستدا.
وتیشی:" تەرمی هەردوو هاووڵاتییەكە رەوانەی پزیشكی دادی پارێزگای هەڵەبجە كراو دۆسیەی لیكۆڵینەوەش بۆ رووداوەكە لەبنكەی پولیسی خورماڵ رێكخراوە".