راچڵەكین-
لەناحیەی خورماڵی سەربەپارێزگای هەڵەبجە، لەئاكامی وەرگەڕانی تراكتۆرێكی كشتوكاڵی، دوو كەس گیانیان لەدەستدا.
بەڕێوەبەرایەتی پۆلیسی پارێزگای هەڵەبجە لەراگەیەندراوێكدا ئاماژەی بەوەشكردوە:" شەوی رابردوو لەناحیەی خورماڵی سەربەپارێزگای هەڵەبجە دوو هاوڵاتی بەناوەكانی (ئەبوبەكر فەتاح هەیاس تەمەن 48 ساڵ پیشە كاسب دانیشتوی خورماڵ و ئەبوبەكر حەمە عەلی عەبدولقادر تەمەن ـ52 ساڵ پیشە پاسەوانی سنور دانیشتوی خورماڵ) بەهۆی وەرگەڕانی تراكتۆرەكەیان لە نزیك گەڕاوی ناحیەی خورماڵ هەردوو هاوڵاتییەكە مردون و تەرمەكانیان ڕەوانەی پزیشكی دادی پارێزگای هەڵەبجە كراوە."