راچڵەكین-
رێكخراوی تیرۆرستی داعش بەرپرسیارێتی خۆی لەو هێرشە راگەیاند كە لە كوڵەجۆ كرایە سەر هێزی پێشمەرگە و بەهۆیەوە ژمارەیەك پێشمەرگە شەهیدبوون.
رێكخراوی تیرۆرستی داعش لەراگەیەندراوێكدا كەلەپێگەی ( ئەعماق)ی تایبەت بەو رێكخراوە بڵاوكراوەتەوە، بەرپرسیارێتی خۆی لەپەلامارەكەی سەر هێزی پێشمەرگە لە كوڵەجۆ راگەیاندووەو ڤیدیۆی پەلامارەكەی بڵاوكردووەتەوە.
شەوی شەممە 27-11-2021 چەكدارانی داعش لە ناوچەی تەپی تەڵان لە سنووری كوڵەجۆ هێرشیانكردە سەر هێزەكانی پێشمەرگە، لەكاتی بەهاناوەچوونی پێشمەرگەكانیش، بۆمبێكی چێندراو بە ئۆتۆمبێلێكی پێشمەرگەدا تەقییەوە و بەهۆیەوە پێنج پێشمەرگە شەهیدبوون و پێنجی دیكەش برینداربوون كە دواتر یەكێك لەبریندارەكان شەهید بوو.
شەوی 29-11-2021 ش، چەكدارانی داعش لەسنووری قەزای كفری هێرشیانكردە سەر سەنگەرەكانی هێزی پێشمەرگە، لەئاكامدا پێشمەرگەیەك شەهید بوو وە سیانی تر برینداربوون، دواتر یەكێك لەبریندارەكان بەهۆی سەختی برینەكەیەوە پێشمەرگەیەكی تر شەهیدبوو.