راچڵەكین –
وەزارەتی كشتوكاڵ و سەرچاوەكانی ئاو بڕیاریدا بە هەڵگرتنی قەدەغەبی هاوردەكردن لەسەر بەرهەمی پەتاتەو لە ئەمڕۆوە هاوردەكردنی ئەو بەرهەمە كشتوكاڵییە بۆ هەرێمی كوردستان دەستپێدەكاتەوە.
وەزارەتی كشتوكاڵ لە نوسراوێكدا كە ئاراستەی بەڕێوەبەرایەتی گشتی گومرگی هەرێمی كردووە، داوای لێكردوون لە ئەمڕۆوە 2-12-2021، رێگە بە هاوردەكردنی بەرهەمی پەتاتە لە دەرەوەی وڵات بكرێت.
لە بەرامبەردا بەڕێوەبەرایەتی گشتی گومرگی هەرێم نوسراوەكەی بۆ سەرجەم بەڕێوەبەرایەتییەكانی گومرگ ناردووە بەمەبەستی ئاسانكاریكردن بۆ ئەو بازرگانانەی كە پەتاتە هاوردەی هەرێمی كوردستان دەكەن.